നടിയെ ആക്രമിച്ച കേസ്​: ​ഡ്രൈവറുടെ ജാമ്യഹരജി വീണ്ടും തള്ളി

കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസിലെ പ്രതിയായ ഡ്രൈവർ മാർട്ടി​െൻറ ജാമ്യഹരജി ഹൈകോടതി വീണ്ടും തള്ളി. കുറ്റകൃത്യത്തിൽ പങ്കില്ലെന്നും ഒന്നാം പ്രതി പൾസർ സുനിയുമായി ബന്ധമില്ലെന്നും ചൂണ്ടിക്കാട്ടിയാണ് എട്ടാം തവണയും ജാമ്യഹരജി നൽകിയത്. താൻ സുനിയുമായി ഫോണിൽപോലും ബന്ധപ്പെട്ടില്ലെന്ന് ഹരജിക്കാരൻ വാദിക്കുന്നു. കുറ്റപത്രം നൽകിയ സാഹചര്യത്തിൽ ജാമ്യത്തിൽ വിടണമെന്നായിരുന്നു മാർട്ടി​െൻറ ആവശ്യം. എന്നാൽ, രണ്ടാം പ്രതിയായ ഹരജിക്കാരന് ജാമ്യം അനുവദിച്ചാൽ വിചാരണയെ ബാധിക്കുമെന്ന പ്രോസിക്യൂഷൻ വാദം അംഗീകരിച്ച കോടതി ഹരജി തള്ളുകയായിരുന്നു.