Begin typing your search above and press return to search.
exit_to_app
exit_to_app
Posted On
date_range 10 March 2018 5:00 AM GMT Updated On
date_range 10 March 2018 5:00 AM GMTശമ്പള പരിഷ്കരണത്തിലെ അപാകത പരിഹരിക്കണം –കെ.ഇ.എസ്.എ
text_fieldsbookmark_border
ആലുവ: പത്താം ശമ്പള പരിഷ്കരണത്തിൽ സാങ്കേതിക വിഭാഗം ജീവനക്കാരുടേതിൽ സംഭവിച്ച അപാകതകൾ ഇതുവരെ പരിഹരിക്കാത്തത് അപലപനീയമാണെന്ന് കേരള എൻജിനീയറിങ് സ്റ്റാഫ് അസോസിയേഷൻ (കെ.ഇ.എസ്.എ) ജില്ല പ്രസിഡൻറ് എ.ആർ. ഷാബുവും സെക്രട്ടറി നവാസ് യൂസുഫും അഭിപ്രായപ്പെട്ടു. അപാകതകൾ ചൂണ്ടിക്കാട്ടി മുഖ്യമന്ത്രിക്കും ധനമന്ത്രിക്കും നിരവധി തവണ നിവേദനങ്ങൾ സമർപ്പിച്ചെങ്കിലും അനുകൂല നടപടി ഉണ്ടായിട്ടില്ല. അടുത്ത ശമ്പള പരിഷ്കരണത്തിൽ പരിഹരിക്കാമെന്നാണ് ഇപ്പോൾ ധനമന്ത്രി പറയുന്നത്. ഇത് നിരാശാജനകമാണ്. കേരളത്തിെൻറ സമഗ്ര വികസനത്തിനായി സമയ ക്ലിപ്തത ഇല്ലാതെ ഫീൽഡിൽ പണിയെടുക്കുന്ന ആയിരക്കണക്കിന് സാങ്കേതിക വിഭാഗം ജീവനക്കാരോടുള്ള അവഗണനയാണ് ഇതിൽനിന്ന് വ്യക്തമാകുന്നത്. ഇനിയും വിഷയത്തിൽ നിസ്സംഗത തുടർന്നാൽ പ്രതിഷേധ പരിപാടികളുമായി മുന്നോട്ടുപോകാനാണ് സംഘടനയുടെ തീരുമാനം. 'അമ്മമാർക്കൊപ്പം' വനിതദിനം ആഘോഷിച്ച് ചാരിറ്റി വിങ് ആലുവ: സാന്ത്വനം അമ്മവീട്ടിലെ അമ്മമാരോടൊപ്പം വനിതദിനം ആഘോഷിച്ച് നൊച്ചിമ ചാരിറ്റി വിങ്. ഭക്ഷണവും വസ്ത്രവും വിതരണം ചെയ്താണ് ആഘോഷം നടത്തിയത്. ചാരിറ്റി വിങ്ങിെൻറ അംഗത്വ വിതരണവും നടന്നു. എടത്തല ഗ്രാമപഞ്ചായത്ത് പ്രസിഡൻറ് സാജിദ അബ്ബാസ് ഉദ്ഘാടനം ചെയ്തു. ചാരിറ്റി വിങ് പ്രസിഡൻറ് അഫ്സൽ കുഞ്ഞുമോൻ അധ്യക്ഷത വഹിച്ചു. നടി തസ്നി ഖാൻ മുഖ്യാതിഥിയായിരുന്നു. റിയാസ് ഫസാൻ, സന്ദീപ് ജി. നായർ, അബ്ദുൽ ജബ്ബാർ, എൻ.ബി. ബിജു, ഒ.കെ. ഷാനവാസ്, ഷെയ്മോൻ, ശ്യാം അമ്പലക്കാട്ടിൽ, സുനീർ നഗർ, ജിജോ, ബിനു സിദ്ദീഖ്, റഫ്സൽ കുഞ്ഞുമോൻ, നിഷ രാജപ്പൻ, അർച്ചന സുരേഷ് എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story