മൂവാറ്റുപുഴ വിദ്യാഭ്യാസ ജില്ലയില്‍ എസ്.എസ്.എല്‍.സി പരീക്ഷയെഴുതാൻ 3928 വിദ്യാർഥികൾ

മൂവാറ്റുപുഴ: മൂവാറ്റുപുഴ വിദ്യാഭ്യാസ ജില്ലയില്‍ ഇക്കുറി എസ്.എസ്.എല്‍.സി പരീക്ഷയെഴുതാൻ 3928 വിദ്യാർഥികൾ. 54 ഹൈസ്‌കൂളുകളില്‍ നിന്നാണ് ഇത്രയും വിദ്യാർഥികൾ. 53 പരീക്ഷ സ​െൻററുകളുണ്ട്. 295 വിദ്യാർഥികൾ എഴുതുന്ന വീട്ടൂര്‍ എബേനസര്‍ സ്‌കൂളിലാണ് ഏറ്റവും കൂടുതല്‍ പേർ. സര്‍ക്കാര്‍ സ്‌കൂളുകളില്‍ ഏറ്റവും കൂടുതല്‍ വിദ്യാർഥികൾ പേഴയ്ക്കാപ്പിള്ളി ഹയര്‍സെക്കൻഡറിയാണ് (60). പരീക്ഷ നടത്തിപ്പുമായി ബന്ധപ്പെട്ട ക്രമീകരണം പൂര്‍ത്തിയായി വരുന്നു. ഇന്‍വിജിലേറ്റര്‍, ഡെപ്യൂട്ടി സൂപ്രണ്ട് അടക്കമുള്ളവരുടെ ഡ്യൂട്ടി പുനഃക്രമീകരണമാണ് തുടരുന്നത്. പരീക്ഷ ഡ്യൂട്ടിയില്‍നിന്ന് ഒഴിവാക്കണമെന്ന ആവശ്യവുമായി നിരവധി അധ്യാപകരും നെട്ടോട്ടത്തിലാണ്.