തൃണമൂല്‍ കോണ്‍ഗ്രസ് ജില്ലഘടകം പുനസംഘടിപ്പിക്കും

കൊച്ചി: കേരള പ്രദേശ് തൃണമൂല്‍ കോണ്‍ഗ്രസ് കേരളഘടകത്തി​െൻറ ജില്ല കമ്മിറ്റികള്‍ പുനഃസംഘടിപ്പിക്കാന്‍ തീരുമാനിച്ചതായി സംസ്ഥാന പ്രസിഡൻറും മുന്‍ എം.എൽ.എയുമായ ജോസ് കുറ്റിയാനി വാര്‍ത്ത സമ്മേളനത്തില്‍ അറിയിച്ചു. പാര്‍ട്ടിയുടെ പ്രവര്‍ത്തനം കൂടുതല്‍ ഊര്‍ജിതമാക്കുന്നതി​െൻറ ഭാഗമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ നയങ്ങള്‍ക്കെതിരെ അടുത്ത വര്‍ഷം ഫെബ്രുവരിയില്‍ സംസ്ഥാന വ്യാപകമായി വാഹന പ്രചാരണ ജാഥ സംഘടിപ്പിക്കാനും തീരുമാനിച്ചിട്ടുണ്ട്. സംസ്ഥാന ജനറല്‍ സെക്രട്ടറി സുരേഷ് വേലായുധന്‍, ഷംസുദ്ദീന്‍ പയനിങ്ങല്‍, പി.ഡി. പയസ് എന്നിവർ വാര്‍ത്ത സമ്മേളനത്തില്‍ പങ്കെടുത്തു.