Begin typing your search above and press return to search.
exit_to_app
exit_to_app
Posted On
date_range 21 Jun 2017 9:22 AM GMT Updated On
date_range 21 Jun 2017 9:22 AM GMTവഴിയാത്രക്കാരൻ വാഹനമിടിച്ച് മരിച്ച സംഭവത്തിലെ ൈഡ്രവറെ അറസ്റ്റ് ചെയ്തു
text_fieldsbookmark_border
പെരുമ്പാവൂർ: വഴിയാത്രക്കാരൻ വാഹനമിടിച്ച് മരിച്ചസംഭവത്തിൽ ൈഡ്രവർ അറസ്റ്റിൽ. കടുവാൾ വളപ്പിൽ വീട്ടിൽ മുഹമ്മദാണ് (42) പിടിയിലായത്. തിങ്കളാഴ്ച വൈകീട്ട് 7.30ന് എ.എം റോഡിലെ എസ്.എൻ സൂപ്പർ മാർക്കറ്റിന് സമീപത്ത് മരക്കാർ റോഡിൽ തുരുത്തേൽ വീട്ടിൽ ഹാരിസനെ അമിത വേഗത്തിലെത്തിയ മുഹമ്മദിെൻറ ആപേ ട്രക്ക് ഇടിച്ചിടുകയായിരുന്നു. ഇടിച്ചശേഷം വാഹനം നിർത്താതെ പോയി. സമീപത്തെ വ്യാപാര സ്ഥാപനങ്ങളിലെ സി.സി ടി.വി ദൃശ്യങ്ങൾ പരിശോധിച്ചതിനെത്തുടർന്നാണ് പൊലീസ് വാഹനം കസ്റ്റഡിയിലെടുത്തത്. പെരുമ്പാവൂർ താലൂക്ക് ആശുപത്രിക്ക് സമീപം ജ്യോതി ഇൻഡസ്ട്രീസ് എന്ന പേരിൽ വർക്ക്ഷോപ് നടത്തുകയായിരുന്നു ഹാരിസൻ. സ്ഥാപനം അടച്ച് വീട്ടിലേക്ക് പോകുംവഴിയാണ് വാഹനം ഇടിച്ചത്. ചോര വാർന്ന് റോഡിൽ ഏറെ നേരം കിടന്ന ഹാരിസനെ പൊലീസെത്തിയാണ് ആശുപത്രിയിൽ എത്തിച്ചത്. പ്രതി കുറ്റം സമ്മതിച്ചതായി പൊലീസ് പറഞ്ഞു. സി.ഐ ബൈജു പൗലോസിെൻറ നേതൃത്വത്തിൽ എസ്.ഐ പി.എ. ഫൈസൽ, എ.എസ്.ഐ പോൾ, സി.പി.ഒ രാജേന്ദ്രൻ, ഷിബു ജോൺ എന്നിവരടങ്ങിയ സംഘമാണ് പ്രതിയെ അറസ്റ്റ്ചെയ്തത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story