സഹോദര​െൻറ കൺമുന്നിൽ വിദ്യാർഥിനി ബസിടിച്ച്​ മരിച്ചു

അഴീക്കോട്: . അലവിൽ ഒറ്റത്തെങ്ങിനു സമീപം വ്യാഴാഴ്ച വൈകീട്ട് 4.20ഒാടെയായിരുന്നു അപകടം. ഒറ്റത്തെങ്ങ് ചെറുകട ഹൗസിൽ അജിത്തി​െൻറ മകൾ അഭിനന്ദന (ഒമ്പത്) ആണ് മരിച്ചത്. പൂതപ്പാറ സൗത്ത് യു.പി സ്കൂൾ മൂന്നാംക്ലാസ് വിദ്യാർഥിനിയാണ്. സ്കൂൾവിട്ട് സഹോദരൻ അനിജിത്തി​െൻറ കൂടെ സ്റ്റോപ്പിൽ ബസിറങ്ങി റോഡ് മുറിച്ചുകടക്കുന്നതിനിടെ അഴീക്കോട് ഭാഗത്തേക്കു പോവുകയായിരുന്ന റോയൽ ബസ് ഇടിക്കുകയായിരുന്നു. അപകടം നടന്നയുടൻ ആശുപത്രിയിലെത്തിച്ചെങ്കിലും രക്ഷിക്കാനായില്ല. മൃതദേഹം കണ്ണൂർ എ.കെ.ജി സഹകരണ ആശുപത്രി മോർച്ചറിയിൽ. മാതാവ്: ബിന്ദു. മറ്റൊരു സഹോദരൻ: അഭിജിത്ത് (അഴീക്കോട് ഹൈസ്കൂൾ വിദ്യാർഥി).