നീലേശ്വരത്ത്​ പനി പടർന്നുപിടിക്കുന്നു; ആരോഗ്യവിഭാഗത്തിന്​ നിസ്സംഗത

നീലേശ്വരം: നഗരസഭയിൽ ഡെങ്കിപ്പനി പടർന്നുപിടിക്കുമ്പോൾ നഗരസഭ ആരോഗ്യവിഭാഗം കാര്യക്ഷമമായ നടപടി സ്വീകരിക്കുന്നില്ലെന്ന് ആക്ഷേപം. ശുചീകരണ -പ്രതിരോധ പ്രവർത്തനങ്ങൾക്ക് നേതൃത്വം കൊടുക്കേണ്ട ഹെൽത്ത്‌ ഇൻസ്പെക്ടറും ജൂനിയർ ഹെൽത്ത് ഇൻസ്പെക്ടറും അവധിയിലാണ്. നഗരസഭ അധ്യക്ഷ​െൻറ നേതൃത്വത്തിൽ ശുചീകരണ പ്രവർത്തനങ്ങൾ ഊർജിതമായി നടക്കുമ്പോഴാണ് പ്രധാനപ്പെട്ട ജീവനക്കാർ അവധിയിൽ പ്രവേശിച്ചത്. നഗരത്തിൽ മാലിന്യം തള്ളുന്നതായി കണ്ടെത്തിയ സ്ഥാപനങ്ങൾക്ക് നോട്ടിസ് കൊടുക്കാനോ തുടർനടപടി സ്വീകരിക്കാേനാ ഒരു നടപടിയും സ്വീകരിച്ചിട്ടില്ല. ശുചീകരണതൊഴിലാളികൾ കൃത്യമായി നഗരശുചീകരണം നടത്തുന്നില്ലെന്ന ആക്ഷേപവും ശക്തമാണ്.