കനത്ത മഴയിൽ കിണർ താഴ്​ന്നു

പെരിങ്ങത്തൂർ: കഴിഞ്ഞദിവസത്തെ കനത്ത മഴയിൽ പുതുതായി നിർമിച്ച കിണർ താഴ്ന്നു. കരിയാട് 27ാം വാർഡിലെ പഴയ പോസ്റ്റ്ഒാഫിസിനടുത്തുള്ള കിഴക്കയിൽ പവിത്ര​െൻറ വീട്ടുകിണറാണ് അപകടാവസ്ഥയിലായത്. രണ്ടാഴ്ച മുമ്പാണ് ഇവിടെ ഗൃഹപ്രവേശം നടത്തിയത്. ഒന്നരലക്ഷം രൂപ നഷ്ടം കണക്കാക്കുന്നു. കിണർവെള്ളം പൂർണമായും ഉപയോഗയോഗ്യമല്ലാതായി. പെരിങ്ങത്തൂർ വില്ലേജ് ഓഫിസർ, പാനൂർ നഗരസഭ കൗൺസിലർ ടി.എം. ബാബുരാജ് മാസ്റ്റർ എന്നിവർ സ്ഥലം സന്ദർശിച്ചു.