എന്‍ഡോസള്‍ഫാൻ ദുരന്തബാധിതനായ യുവാവ്​ മരിച്ചു

ബദിയടുക്ക: എന്‍ഡോസള്‍ഫാന്‍ ദുരന്തബാധിതനായ യുവാവ് മരിച്ചു. ശേണി ബെദിരംപള്ളയിലെ വാസുദേവ നായക്--സുധ ദമ്പതികളുടെ മകന്‍ ശ്രേയസ് (19) ആണ് മരിച്ചത്. ജന്മനാ ശരീരം വീര്‍ത്തുവരുന്ന അസുഖത്തെത്തുടര്‍ന്ന് പരിയാരം, മംഗളൂരു മെഡിക്കൽ കോളജുകളിൽ ചികിത്സയിലായിരുന്നു. കഴിഞ്ഞദിവസം കാസര്‍കോട് ജനറല്‍ ആശുപത്രിയിലായിരുന്നു അന്ത്യം. എന്‍മകജെ പഞ്ചായത്ത് 14-ാം വാര്‍ഡിലെ എന്‍ഡോസള്‍ഫാന്‍ ദുരിതബാധിതരുടെ പട്ടികയില്‍ ശ്രേയസ് ഉള്‍പ്പെട്ടിരുന്നു. സഹോദരി ശ്വേത.