മാഹിയുടെ താലൂക്ക് സ്വപ്നം പൂവണിയുന്നു

മാഹി: മാഹിയെ താലൂക്കായി ഉയർത്തണമെന്ന ദീർഘകാലമായ ആവശ്യത്തിന് ജീവൻവെക്കുന്നു. അധികാരവികേന്ദ്രീകരണം സാധ്യമാക്കുന്ന താലൂക്ക് പദവി മാഹിക്ക് നൽകണമെന്ന് നിയമസഭയിൽ ഡോ. വി. രാമചന്ദ്രൻ ആവശ്യപ്പെട്ടു. നിരന്തരമായുള്ള ആവശ്യത്തെ സർക്കാർ തത്ത്വത്തിൽ അംഗീകരിച്ചതായി ബുധനാഴ്ചത്തെ ബജറ്റ് സമ്മേളനത്തിൽ വകുപ്പുമന്ത്രി അറിയിച്ചു. മുമ്പേ വാഗ്ദാനംചെയ്ത പുതുച്ചേരി--മാഹി എ.സി ബസും പി.ആർ.ടി.സിക്കുള്ള രണ്ടു മിനിബസും കഴിയുന്നതും വേഗം നൽകുമെന്നും നിയമസഭയിൽ ഉറപ്പുലഭിച്ചു.