കാറ്റിൽ വീട് തകർന്നു

മഞ്ചേശ്വരം: വെള്ളിയാഴ്ച രാത്രിയുണ്ടായ ശക്തമായ കാറ്റില്‍ മൂസോടിയില്‍ വീട് തകര്‍ന്നു. വീട്ടിലുണ്ടായിരുന്നവര്‍ പരിക്കേല്‍ക്കാതെ രക്ഷപ്പെട്ടു. മൂസോടി സ്‌കൂളിന് സമീപത്തെ പരേതനായ അബ്ദുല്ലയുടെ വീടാണ് തകര്‍ന്നത്. രാത്രി ഏഴുമണിയോടെയാണ് സംഭവം. ഓടുപാകിയ വീടി​െൻറ മേല്‍ക്കൂര തകര്‍ന്നുവീഴുകയായിരുന്നു. ശബ്ദംകേട്ട് വീട്ടുകാര്‍ പുറത്തേക്ക് ഓടിരക്ഷപ്പെട്ടു.