സ്വത്തുതർക്കം; യുവാവിന് കൈക്ക് വെട്ടേറ്റു

ഉരുവച്ചാൽ: സ്വത്തുതർക്കത്തെ തുടർന്ന് യുവാവിന് കൈക്ക് വെട്ടേറ്റു. വലത് കൈവിരൽ അറ്റുതൂങ്ങിയ ശിവപുരത്തെ വി.സി. ഹാരിസിനെ (38) തലശ്ശേരി ജനറൽ ആശുപത്രിയിൽ പ്രവേശിപ്പിച്ചു. കഴിഞ്ഞദിവസം രാവിലെ ഒമ്പതോടെ ശിവപുരം-വെമ്പടി റോഡിൽ പറമ്പിലായിരുന്നു സംഭവം. സഹോദരങ്ങളാണ് ആക്രമിച്ചതെന്ന് ഹാരിസ് പറഞ്ഞു. മാലൂർ എസ്.ഐ ഷിജു സ്ഥലത്തെത്തി.