കാറിൽ ബസുകളിടിച്ച് ഡ്രൈവർക്ക് പരിക്ക്​

കൂത്തുപറമ്പ്: കിണവക്കലിനടുത്ത മൗവ്വേരിയിൽ കാറിൽ ബസുകളിടിച്ച് ഡ്രൈവർക്ക് പരിക്കേറ്റു. ഇന്നലെ വൈകീട്ട് അഞ്ചരയോടെ മൗവ്വേരി ജുമാമസ്ജിദിന് സമീപമാണ് അപകടം. കാറും ബസും കൂട്ടിയിടിച്ചതിനെ തുടർന്ന് നിയന്ത്രണംവിട്ട കാറിൽ മറ്റൊരു ബസ്ഇടിക്കുകയായിരുന്നു. അപകടത്തെ തുടർന്ന് കൂത്തുപറമ്പ്--കണ്ണൂർ റൂട്ടിൽ ഏറെനേരം ഗതാഗതം തടസ്സപ്പെട്ടു. അപകടത്തിനിടയാക്കിയ വാഹനങ്ങൾ കതിരൂർ പൊലീസ് കസ്റ്റഡിയിലെടുത്തു.