പാറക്കെട്ട് ഇടിഞ്ഞുവീണ് കൃഷിയും കിണറും നശിച്ചു

ചെറുപുഴ: പ്രാപ്പൊയില്‍ കുറിച്യക്കുന്നില്‍ കനത്തമഴയില്‍ പാറക്കെട്ടുകള്‍ ഇടിഞ്ഞുവീണ് കൃഷിയിടവും കിണറും നശിച്ചു. ചുണ്ട സ്വദേശി പുളിന്താനത്ത് അജേഷി​െൻറ ഉടമസ്ഥതയിലുള്ള കൃഷിയിടമാണ് നശിച്ചത്. കനത്തമഴയില്‍ മണ്ണിളകി കൃഷിയിടത്തിന് മുകള്‍ഭാഗത്തെ പാറക്കെട്ടുകള്‍ ഇടിഞ്ഞുവീഴുകയായിരുന്നു. നിരവധി കവുങ്ങുകളും വാഴയും പാറക്കല്ലുവീണ് തകര്‍ന്നു. കൃഷിയിടത്തിലെ കിണറി​െൻറ ആള്‍മറയുള്‍പ്പെടെ കിണറിലേക്ക് ഇടിഞ്ഞുവീണു. വില്ലേജ് അധികൃതര്‍ സ്ഥലം സന്ദര്‍ശിച്ചു.