മാനസസരസ്സ്​: ബാലസാഹിത്യകാരി സുമംഗലയുടെ ജീവചരിത്രം

ഏറെ തലമുറകളെ ബാല്യകഥകൾ പറഞ്ഞ്​ ആനന്ദിപ്പിച്ച പ്രശസ്ത ബാലസാഹിത്യകാരി സുമംഗല എന്ന ലീലാനമ് പൂതിരിപ്പാടിൻെറ ജീവചരിത്രം തയ്യാറാകുന്നു. ‘മാനസസരസ്സ്’ എന്ന പേരിലെ ഈ ജീവചരിത്രം തയാറക്കുന്നത്​ കേരളകലാമണ്ഡലത്തിൻറെ ചരിത്രത്തിൽ ആദ്യത്തെ ഡോക്ടറൽ ഡിഗ്രി കരസ്ഥമാക്കിയ ഡോ.എ.വിനിയാണ്. വെളളിനേഴി ഒളപ്പമണ്ണ മനയുടെയും കുറൂർ ഇല്ലത്തിൻറെയും പഴമകളിലൂടെ തൻറെ ബാല്യ, കൗമാര, യൗവന, വാർധക്യകാലത്തെ കുറിച്ച് വിവരിക്കുന്നുണ്ട്​ ഈ രചനയിൽ. വെള്ളിനേഴിയുടെ കഥകളി പാരമ്പര്യം, ക്വിറ്റ് ഇന്ത്യ പോലുളള ചരിത്ര സമരങ്ങളിൽ മനയിലെ അംഗങ്ങളുടെ പങ്കാളിത്തം, റാവു ബഹദൂർ ഭരണകാലം, തൻറെ വിവാഹകാലം, കലാമണ്ഡലം ചരിത്രം, തുടങ്ങി ചെറിയ അനുജൻ ഒളപ്പമണ്ണ ദാമോദരൻ നമ്പൂതിരിയുടെ വേർപാടിലുണ്ടായ വിഷമം വരെയാണ് രചനയിൽ പ്രതിപാദിക്കുന്നത്.