കോഴിക്കോട് യുവാവിനെയും പത്താം ക്ലാസുകാരിയെയും തൂങ്ങിമരിച്ച നിലയിൽ കണ്ടെത്തി

എ​ക​രൂ​ൽ (കോ​ഴി​ക്കോ​ട്): ഉ​ണ്ണി​കു​ളം പ​ഞ്ചാ​യ​ത്തി​ലെ ക​രു​മ​ല​യി​ൽ യു​വാ​വി​നെ​യും 10ാം ക്ലാ​സു​കാ​രി​യെ​യും തൂ​ങ്ങി മ​രി​ച്ച നി​ല​യി​ൽ ക​ണ്ടെ​ത്തി.

കി​നാ​ലൂ​ർ പൂ​ള​ക്ക​ണ്ടി തൊ​ട്ടി​ൽ​മീ​ത്ത​ൽ പ​രേ​ത​നാ​യ അ​നി​ൽ​കു​മാ​റി​ന്റെ മ​ക​ൻ ചൂ​ര​ക്ക​ണ്ടി അ​ഭി​ന​വ് (20), താ​മ​ര​ശ്ശേ​രി അ​ണ്ടോ​ണ പു​ല്ലോ​റ​ക്കു​ന്നു​മ്മ​ൽ ഗി​രീ​ഷ് ബാ​ബു​വി​ന്റെ മ​ക​ൾ ശ്രീ​ല​ക്ഷ്മി (15) എ​ന്നി​വ​രെ​യാ​ണ് ബു​ധ​നാ​ഴ്ച രാ​ത്രി ക​രു​മ​ല ചൂ​ര​ക്ക​ണ്ടി മ​ല​യി​ൽ മ​ര​ക്കൊ​മ്പി​ൽ ചു​രി​ദാ​റി​ന്റെ ഷാ​ള്‍ ഉ​പ​യോ​ഗി​ച്ച് ഇ​രു ഭാ​ഗ​ത്തു​മാ​യി ക​ഴു​ത്തി​ല്‍ കു​രു​ക്കി​ട്ട് തൂ​ങ്ങി മ​രി​ച്ച നി​ല​യി​ൽ ക​ണ്ടെ​ത്തി​യ​ത്.

കോ​ര​ങ്ങാ​ട് ച​പ്പാ​ത്തി​ക്ക​മ്പ​നി​യി​ൽ ജോ​ലി​ക്കാ​ര​നാ​ണ് അ​ഭി​ന​വ്. താ​മ​ര​ശ്ശേ​രി കോ​ര​ങ്ങാ​ട് ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ൽ 10ാം ക്ലാ​സ് വി​ദ്യാ​ർ​ഥി​നി​യാ​ണ് ശ്രീ​ല​ക്ഷ്മി.

ബു​ധ​നാ​ഴ്ച രാ​വി​ലെ പി​താ​വി​ന്റെ കൂ​ടെ പൂ​നൂ​രി​ലെ ട്യൂ​ഷ​ന്‍ സെ​ന്റ​റി​ല്‍ പോ​യി പി​താ​വി​ന്റെ കൂ​ടെ​ത​ന്നെ തി​രി​ച്ച് ശ്രീ​ല​ക്ഷ്മി താ​മ​ര​ശ്ശേ​രി​യി​ല്‍ എ​ത്തി​യി​രു​ന്നു. പി​ന്നീ​ട് കു​ട്ടി​യെ കാ​ണാ​താ​യി. വൈ​കീ​ട്ട് വീ​ട്ടി​ല്‍ തി​രി​ച്ചെ​ത്താ​താ​യ​തോ​ടെ ബ​ന്ധു​ക്ക​ള്‍ താ​മ​ര​ശ്ശേ​രി പൊ​ലീ​സി​ല്‍ പ​രാ​തി ന​ല്‍കി​യി​രു​ന്നു.

തു​ട​ര്‍ന്നു​ള്ള അ​ന്വേ​ഷ​ണ​ത്തി​ലാ​ണ് ഇ​രു​വ​രെ​യും ബു​ധ​നാ​ഴ്ച രാ​ത്രി​യോ​ടെ ചൂ​ര​ക്ക​ണ്ടി മ​ല​യു​ടെ മു​ക​ളി​ല്‍ മ​രി​ച്ച​നി​ല​യി​ല്‍ ക​ണ്ട​ത്. അ​ക​ന്ന ബ​ന്ധു​ക്ക​ളാ​യ ഇ​രു​വ​രും പ്ര​ണ​യ​ത്തി​ലാ​യി​രു​ന്ന​താ​യി പ​റ​യ​പ്പെ​ടു​ന്നു. വ്യാ​ഴാ​ഴ്ച രാ​വി​ലെ ബാ​ലു​ശ്ശേ​രി പൊ​ലീ​സ് സ്ഥ​ല​ത്തെ​ത്തി ഇ​ന്‍ക്വ​സ്റ്റ് ന​ട​ത്തി​യ​തി​നു ശേ​ഷം കോ​ഴി​ക്കോ​ട് മെ​ഡി​ക്ക​ല്‍ കോ​ള​ജ് ആ​ശു​പ​ത്രി മോ​ർ​ച്ച​റി​യി​ലേ​ക്ക് മാ​റ്റി.

വ്യാ​ഴാ​ഴ്ച്ച വൈ​കീ​ട്ട് പോ​സ്റ്റ്‌​മോ​ര്‍ട്ട​ത്തി​നു ശേ​ഷം വീ​ട്ടി​ലെ​ത്തി​ച്ച അ​ഭി​ന​വി​ന്റെ മൃ​ത​ദേ​ഹം ചൂ​ര​ക്ക​ണ്ടി​യി​ലെ വീ​ട്ടു​വ​ള​പ്പി​ല്‍ സം​സ്ക​രി​ച്ചു. അ​ഭി​ന​വി​ന്റെ മാ​താ​വ്: വ​ത്സ​ല. സ​ഹോ​ദ​ര​ങ്ങ​ൾ: അ​ഭി​ന​ന്ദ്, അ​ഭി​നാ​ഥ്. ശ്രീ​ല​ക്ഷ്മി​യു​ടെ മാ​താ​വ്: ബീ​ന. സ​ഹോ​ദ​ര​ന്‍: വൈ​ഷ്ണ​വ്.