ട്രെയിന്‍ അട്ടിമറിശ്രമം: രണ്ട്​ റെയില്‍വേ ജീവനക്കാരെ പിരിച്ചുവിട്ടു

കോ​ഴി​ക്കോ​ട്: സി​ഗ്​​ന​ല്‍ കേ​ബി​ള്‍ മു​റി​ച്ച് ട്രെ​യി​ന്‍ ഗ​താ​ഗ​തം അ​ട്ടി​മ​റി​ക്കാ​ന്‍ ശ്ര​മി​ച്ച സം​ഭ​വ​ത്തി​ല്‍ ര​ണ്ട് റെ​യി​ൽ​വേ ജീ​വ​ന​ക്കാ​രെ പി​രി​ച്ചു​വി​ട്ടു. കോ​ഴി​ക്കോ​ട് ക​ക്കോ​ടി സ്വ​ദേ​ശി പ്ര​വീ​ണ്‍രാ​ജ്, വ​യ​നാ​ട്​ സു​ല്‍ത്താ​ന്‍ ബ​ത്തേ​രി സ്വ​ദേ​ശി ജി​നേ​ഷ് എ​ന്നി​വ​രെ​യാ​ണ് വ​കു​പ്പു​ത​ല അ​ന്വേ​ഷ​ണ​ത്തി​ൽ കു​റ്റ​ക്കാ​രെ​ന്ന്​ ക​ണ്ടെ​ത്തി റെ​യി​ല്‍വേ പി​രി​ച്ചു​വി​ട്ട​ത്. ഫ​റോ​ക്ക് റെ​യി​ല്‍വേ സി​ഗ്​​ന​ല്‍ ആ​ന്‍ഡ് ടെ​ലി ക​മ്യൂ​ണി​ക്കേ​ഷ​ന്‍ വി​ഭാ​ഗ​ത്തി​ലെ ടെ​ക്​​നീ​ഷ്യ​ന്മാ​രാ​ണ്​ ഇ​രു​വ​രും. ര​ണ്ടു​പേ​ർ​ക്കു​മെ​തി​രാ​യ നി​യ​മ​ന​ട​പ​ടി​ക​ൾ തു​ട​രു​മെ​ന്ന്​ റെ​യി​ൽ​വേ അ​റി​യി​ച്ചു.

മാ​ര്‍ച്ച് 24നാ​ണ് കേ​സി​നാ​സ്പ​ദ​മാ​യ സം​ഭ​വം. ക​ല്ലാ​യി റെ​യി​ല്‍വേ സ്‌​റ്റേ​ഷ​നി​ൽ​നി​ന്ന്​ അ​ഞ്ചു കി​ലോ​മീ​റ്റ​ര്‍ ദൂ​ര​ത്തി​ല്‍ അ​ഞ്ചു സ്ഥ​ല​ങ്ങ​ളി​ലാ​യി​ സി​ഗ്​​ന​ൽ കേ​ബി​ള്‍ മു​റി​ച്ച​താ​യി ക​ണ്ടെ​ത്തു​ക​യാ​യി​രു​ന്നു. സി.​സി ടി.​വി ദൃ​ശ്യ​ങ്ങ​ൾ ഉ​ൾ​പ്പെ​ടെ ശേ​ഖ​രി​ച്ചു​ള്ള അ​ന്വേ​ഷ​ണ​ത്തി​ലാ​ണ്​ ഇ​രു​വ​രു​ടെ​യും പ​ങ്ക്​ വ്യ​ക്​​ത​മാ​യ​ത്. ആ​ളി​ല്ലാ​ത്ത​തി​നാ​ൽ കോ​ഴി​ക്കോ​ട് റെ​യി​ല്‍വേ സ്‌​റ്റേ​ഷ​ന്‍ പ​രി​ധി​യി​ൽ ജോ​ലി​ചെ​യ്യാ​ന്‍ കോ​ഴി​ക്കോ​ട് സീ​നി​യ​ര്‍ സെ​ക്​​ഷ​ന്‍ എ​ന്‍ജി​നീ​യ​ര്‍(​എ​സ്.​എ​സ്.​ഇ) ഇ​വ​രോ​ട്​ ആ​വ​ശ്യ​പ്പെ​ട്ടി​രു​ന്നു. ഇ​തി​ലു​ള്ള വി​രോ​ധം തീ​ര്‍ക്കാ​നാ​ണ് സി​ഗ്​​ന​ല്‍ മു​റി​ച്ച​തെ​ന്നാ​ണ് പ​റ​യു​ന്ന​ത്.

സി​ഗ്​​ന​ല്‍ ക​മ്പി​ക​ള്‍ മു​റി​ച്ചു​മാ​റ്റി പ​ച്ച​ക്കു​പ​ക​രം മ​ഞ്ഞ സി​ഗ്​​ന​ലാ​ക്കി മാ​റ്റി​വെ​ക്കു​ക​യാ​യി​രു​ന്നു. സി​ഗ്​​ന​ല്‍ പ്ര​വ​ര്‍ത്തി​ക്കാ​തി​രു​ന്ന​തി​നെ തു​ട​ര്‍ന്ന് ഇ​തു​വ​ഴി​യു​ള്ള ട്രെ​യി​നു​ക​ള്‍ മ​ണി​ക്കൂ​റു​ക​ളോ​ളം പി​ടി​ച്ചി​ടേ​ണ്ടി​വ​ന്ന​തോ​ടെ ന​ട​ത്തി​യ അ​ന്വേ​ഷ​ണ​ത്തി​ലാ​ണ്​ കേ​ബി​ളു​ക​ൾ മു​റി​ച്ച​താ​യി ക​ണ്ടെ​ത്തി​യ​ത്. സി​ഗ്​​ന​​ല്‍ ത​ക​രാ​റി​ലാ​യ​തോ​ടെ കോ​ഴി​ക്കോ​ട്, ഫ​റോ​ക്ക്, വെ​ള്ള​യി​ല്‍ റെ​യി​ല്‍വേ സ്​​റ്റേ​ഷ​ന്‍ പ​രി​ധി​ക​ളി​ലാ​യി 13 ട്രെ​യി​നു​ക​ളാ​ണ്​ വൈ​കി​യ​ത്.