പട്ടാപ്പകൽ യുവതിയെ കടന്നുപിടിച്ചയാൾ പിടിയിൽ

കൊച്ചി: പട്ടാപ്പകൽ യുവതിയെ നടുറോഡിൽ കടന്നുപിടിച്ചയാളെ അറസ്റ്റ്​ ചെയ്തു. തമിഴ്‌നാട് കടലൂർ സ്വദേശി ബാബുവാണ്​ (36) നോർത്ത് പൊലീസിന്‍റെ പിടിയിലായത്. ശനിയാഴ്ച രാവിലെ പതിനൊന്നരയോടെ കലൂർ ജങ്ഷനിലാണ് സംഭവം.

ജോലി ആവശ്യവുമായി ബന്ധപ്പെട്ട് കലൂർ കതൃക്കടവ് റോഡിലൂടെ പോകുകയായിരുന്നു യുവതി. ഒച്ച​െവച്ചപ്പോൾ പിടിവിട്ട് ഇയാൾ ഓടി. തുടർന്ന് യുവതി നോർത്ത് സ്‌റ്റേഷനിലെത്തി പരാതിപ്പെടുകയായിരുന്നു.

സി.സി.ടി.വി കേന്ദ്രീകരിച്ച് നടത്തിയ അന്വേഷണത്തിൽ പ്രതിയെ തിരിച്ചറിഞ്ഞു. ഇയാളെ കലൂർ ഭാഗത്തു നിന്ന് രാത്രി പത്തോടെ അറസ്റ്റ് ചെയ്തു. ഇയാളെ 14ദിവസത്തേയ്ക്ക് റിമാൻഡ് ചെയ്തു.