Begin typing your search above and press return to search.
exit_to_app
exit_to_app
Posted On
date_range 10 Jun 2021 11:59 PM GMT Updated On
date_range 10 Jun 2021 11:59 PM GMTബാർ ലൈസൻസ് അനുവദിക്കണമെന്ന ആവശ്യവുമായി സിവിൽ സർവിസ് ഒാഫിസേഴ്സ്
text_fieldsbookmark_border
തിരുവനന്തപുരം: ഇളവുകളോടെ ബാർ ലൈസന്സിന് അനുമതി തേടി സിവില് സര്വിസ് ഓഫിസേഴ്സ് ഇൻസ്റ്റിറ്റ്യൂട്ട്. ഐ.എ.എസ്, ഐ.പി.എസ്, ഐ.എഫ്.എസ് ഉദ്യോഗസ്ഥരുൾെപ്പടെ അംഗങ്ങളായ സിവില് സര്വിസ് ഓഫിസേഴ്സ് ഇൻസ്റ്റിറ്റ്യൂട്ട് തിരുവനന്തപുരം ഗോൾഫ് ലിങ്ക്സ് റോഡിലാണ് പ്രവർത്തിക്കുന്നത്. ചീഫ് സെക്രട്ടറി അധ്യക്ഷനായ ഇതിൻെറ ഭരണസമിതിയാണ് സർക്കാറിന് അപേക്ഷ സമർപ്പിച്ചിട്ടുള്ളത്. കുറഞ്ഞ ലൈസന്സ് ഫീസ് ഈടാക്കി ക്ലബ് ലൈസന്സ് നല്കാൻ സാധിക്കുമെന്നും മുമ്പ് ഇത്തരത്തിൽ സംസ്ഥാനത്ത് ഇളവ് നൽകിയിട്ടുണ്ടെന്നും എക്സൈസ് കമീഷണറും സര്ക്കാറിനെ അറിയിച്ചിട്ടുണ്ട്. മുതിർന്ന സിവിൽ സർവിസ് ഉദ്യോഗസ്ഥർക്ക് ബാറുകളിലോ മറ്റ് പൊതുസ്ഥലങ്ങളിലോ പോയി മദ്യപിക്കുന്നതിനുൾപ്പെടെ പൊതുചട്ട പ്രകാരം ചില നിയന്ത്രണങ്ങളുണ്ട്. ആ സാഹചര്യത്തിലാണ് സ്വസ്ഥമായി മദ്യപിക്കാൻ ഇൗ സ്ഥാപനത്തിന് ബാർ ലൈസൻസ് ലഭ്യമാക്കണമെന്ന ആവശ്യം. നിലവിൽ ബാർ ലൈസൻസിന് വൻതുകയാണ് അടയ്ക്കേണ്ടത്. അതിൽ ഇളവ് നൽകി ലഭ്യമാക്കണമെന്ന ആവശ്യമാണ് ഉന്നയിക്കപ്പെട്ടിട്ടുള്ളത്. കൊച്ചിയിൽ മറൈൻ ഉദ്യോഗസ്ഥർക്ക് ഇത്തരത്തിൽ ഇളവ് നൽകി ബാർ ലൈസൻസ് ലഭ്യമാക്കിയിട്ടുണ്ടെന്ന് ചൂണ്ടിക്കാട്ടുന്നു. ശിപാർശ മുഖ്യമന്ത്രിയുടെ പരിഗണനയിലാണ്. ഇളവുകൾ നൽകി ബാർ ലൈസൻസ് നൽകുകയാണെങ്കിൽ അതിന് അബ്കാരി ചട്ടത്തിലുൾപ്പെടെ േഭദഗതി വേണം. സ്വന്തം ലേഖകൻ
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story