തലസ്ഥാനത്ത്​ ഇടത്​ ആധിപത്യം

തിരുവനന്തപുരം: നിലവിലെ സീറ്റുകൾ നിലനിർത്തിയും എതിരാളികളുടേത്​ പിടിച്ചെടുത്തും തലസ്ഥാന ജില്ലയിൽ വ്യക്തമായ ആധിപത്യം നിലനിർത്തി എൽ.ഡി.എഫ്​ കോർപറേഷൻ, ജില്ല പഞ്ചായത്ത്​ - ഗ്രാമപഞ്ചായത്തുകൾ വരെ മികവ്​ പ്രകടം. കോർപറേഷൻ പിടിക്കാനുള്ള ബി.​െജ.പിയുടെ നീക്കത്തെ തടഞ്ഞുനിർത്തിയെന്ന്​ മാത്രമല്ല, തൂക്കുസഭയിൽനിന്ന്​ ഒറ്റക്ക്​ ഭരിക്കാനുള്ള ഭൂരിപക്ഷം സ്വന്തമാക്കിയാണ്​ എൽ.ഡി.എഫ്​ അധികാരമുറപ്പിച്ചത്​. വർക്കല, ആറ്റിങ്ങൽ, നെയ്യാറ്റിൻകര,​ നെടുമങ്ങാട്​ എന്നിങ്ങനെ നാല്​ മുനിസിപ്പാലിറ്റികളിൽ ആറ്റിങ്ങലിലും നെടുമങ്ങാട്ടും വ്യക്തമായ ലീഡ്​ നേടി ഇടതുമുന്നണി ഭരണമുറപ്പിച്ചു. അതേസമയം, ആർക്കും ഭൂരിപക്ഷമില്ലാത്ത നെയ്യാറ്റിൻകരയിലും വർക്കലയിലും ഏറ്റവും വലിയ ഒറ്റക്കക്ഷിയാണ്​ ഇടതുമുന്നണി. 26ൽ 20 ഡിവിഷനുകളും നേടിയാണ്​ ജില്ല പഞ്ചായത്ത്​ ഭരണം ഇടതുമുന്നണി കൈപ്പിടിയിലുറപ്പിച്ചത്. അട്ടിമറി പ്രതീക്ഷയുമായാണ്​ യു.ഡി.എഫ്​ മത്സരരംഗത്തുണ്ടായിരുന്ന​െതങ്കിലും ക​ഴിഞ്ഞ തവണയിലെ ആറ്​ സീറ്റിൽതന്നെ യു.ഡി.എഫ്​ ഇക്കുറിയും പരിമിതപ്പെട്ടു. ബി.ജെ.പിക്കാക​െട്ട ​ൈകയിലുണ്ടായിരുന്ന ഒരു സീറ്റ്​ നഷ്​ടപ്പെട്ടു. 73 ഗ്രാമപഞ്ചായത്തുകളിൽ 36 എണ്ണത്തിൽ എൽ.ഡി.എഫു​ം 10 പഞ്ചായത്തുകളിൽ യു.ഡി.എഫും ഒരു പഞ്ചായത്തിൽ ബി.ജെ.പിയും ഒറ്റക്ക്​ ഭരിക്കാനുള്ള ഭൂരിപക്ഷം നേടി. അതേസമയം, രണ്ട്​ പഞ്ചായത്തുകളിൽ കക്ഷിനില തുല്യമായതോടെ ആർക്കും ഭൂരിപക്ഷമല്ല. ഇതിനു​ പുറമേ, ആർക്കും ഭൂരിപക്ഷമില്ലാത്ത 14 പഞ്ചായത്തുകളിൽ ഇടതു മുന്നണിയാണ്​ ഏറ്റവ​ും വലിയ ഒറ്റക്കക്ഷി. ഇത്തരത്തിൽ ഏഴ്​ പഞ്ചായത്തുകളിൽ യു.ഡി.എഫും നാലിടത്ത്​ ബി.ജെ.പിയും ഏറ്റവും വലിയ ഒറ്റക്കക്ഷിയാണ്​. ജില്ലയിലെ 11 ​ബ്ലോക്ക്​ പഞ്ചായത്തുകൾ പത്തും ഇടതുമുന്നണി നേടി. ഒരിടത്ത്​ ആർക്കും വ്യക്തമായ ഭൂരിപക്ഷമില്ലാതെ കക്ഷിനില തുല്യമാണ്​.