വോട്ടുറപ്പിക്കാൻ നെ​േട്ടാട്ടം

വർക്കല: ആഴ്ചകൾ നീണ്ട പരസ്യ പ്രചാരണം കലാശക്കൊട്ടില്ലാതെ അവസാനിച്ചതോടെ സ്ഥാനാർഥികളും പ്രവർത്തകരും നിശബ്​ദ പ്രചാരണത്തി​ൻെറ തിരക്കിൽ. നഗരസഭയിലും സമീപ പഞ്ചായത്ത് പ്രദേശങ്ങളിലും നാലഞ്ചുദിവസമായി മൈക്ക് അനൗൺസ്മൻെറ്​് വാഹനങ്ങൾ തലങ്ങും വിലങ്ങും ഓടിയിരുന്നു. പതിവുപോലെ എല്ലാ വാഹനങ്ങളിലും സ്ഥാനാർഥികളുടെ മികവുകളുമായി പാരഡി പാട്ടുകളാണ് ഉയർന്നുകേട്ടത്. ഒപ്പം അപൂർവമായി അനൗൺസ്മൻെറും. അതുതന്നെ ​െറ​േക്കാഡ് ചെയ്തവയും. അനൗൺസർമാരുടെ സാന്നിധ്യം കാണാനില്ലാത്ത തെരഞ്ഞെടുപ്പ് പ്രചാരണമായിരുന്നു ഇത്തവണത്തേത്. ഞായറാഴ്ച ഉച്ചകഴിഞ്ഞതോടെ അനൗൺസ്മൻെറ്​് വാഹനങ്ങൾ ഇടറോഡുകളെ ഉപേക്ഷിച്ച് പ്രധാന നിരത്തുകളിലേക്ക് കടന്നുവെങ്കിലും കലാശക്കൊട്ടി​ൻെറ പ്രതീതി എവിടെയും ഉണ്ടായില്ല. കലാശക്കൊട്ട് കോവിഡ് പ്രോട്ടോകോൾ പ്രകാശം ഒഴിവാക്കണമെന്ന് തെരഞ്ഞെടുപ്പ്​ കമീഷ​ൻെറ കർശന നിർദേശം ഉണ്ടായിരുന്നതിനാൽ അതുപ്രതീക്ഷിച്ച് ആളുകളും റോഡിലേക്കിറങ്ങിയിരുന്നില്ല. ഇടവ പഞ്ചായത്തിലെ ചില വാർഡുകളിൽ യു.ഡി.എഫ് സ്ഥാനാർഥികളും പാളയംകുന്നിൽ എൽ.ഡി.എഫും റോഡ് ഷോയോടെയാണ് പ്രചാരണം അവസാനിപ്പിച്ചത്. നഗരസഭയിലെ കുരയ്ക്കണ്ണിയിലും യു.ഡി.എഫ് റോഡ് ഷോ നടത്തി. നഗരസഭയിലെയും പഞ്ചായത്തുകളിലെയും സ്ഥാനാർഥികളെല്ലാം ആത്മവിശ്വാസത്തിലാണ്​. ആർക്കും ആശങ്കയോ, സന്ദേഹമോ തീരെയില്ല. എല്ലാ സ്ഥാനാർഥികളും ജയിക്കുമെന്ന്​ തന്നെ ആവർത്തിക്കുന്നു. അതേസമയം മിക്ക വാർഡുകളിലും ജയപരാജയം നിർണയിക്കുന്നത് സ്വതന്ത്രരും ചെറുകക്ഷികളുമാണ്​.