സി.എ.ജി അന്തസ്സ്​ കളഞ്ഞുകുളിക്കുന്നു -എം.എ. ബേബി

തിരുവനന്തപുരം: കംട്രോളര്‍ ആന്‍ഡ് ഓഡിറ്റര്‍ ജനറല്‍ കേന്ദ്ര സർക്കാറിൻെറയും ആര്‍.എസ്.എസിൻെറയും താല്‍പര്യങ്ങൾക്കുവേണ്ടി അന്തസ്സ്​ കളഞ്ഞുകുളിക്കുകയാണെന്ന് സി.പി.എം പോളിറ്റ് ബ്യൂറോ അംഗം എം.എ. ബേബി. റിസര്‍വ് ബാങ്കിൻെറയും സെബിയുടെയും അംഗികാരം വാങ്ങിയാണ് മസാല ബോണ്ടടക്കം ഇറക്കിയത്. കിഫ്ബി ഉപയോഗിച്ച് നടത്തുന്ന വികസനപ്രവര്‍ത്തനങ്ങള്‍ സി.എ.ജി കാണുന്നില്ല. ചില ഭരണഘടനാ കേന്ദ്രങ്ങള്‍ക്ക് കണ്ണുകാണില്ല. ഒരു പ്രത്യേകതരം രോഗമാണ്​ അതെന്നും ബേബി പ്രസ്​താവിച്ചു.