കാറപകടത്തിൽ നാല് വയസ്സുകാരി മരിച്ചു

നാഗർകോവിൽ: വേളാങ്കണ്ണി ദർശനം കഴിഞ്ഞുവന്ന പത്തംഗ സംഘം സഞ്ചരിച്ച കാർ ലോറിയുമായി കൂട്ടിയിടിച്ച് നാല് വയസ്സുകാരി മരിച്ചു. ദേശീയപാതയിൽ ചുങ്കാൻകടക്ക്​ സമീപം വ്യാഴാഴ്ച രാത്രിയായിരുന്നു അപകടം. പുതുക്കട പനവിള കാടൻചേരി സ്വദേശി ആലൻറോസി​ൻെറ മകൾ ആലൻ റിയ(നാല്​) ആണ് മരിച്ചത്. പരിക്കേറ്റ ദേവേന്ദ്രൻ(75), ഭാര്യ ഗ്ലോറിഭായ്, ആലൻറോസ്​ എന്നിവർ ഉൾപ്പെടെ ഒമ്പത് പേരെയും ഇരണിയൽ പൊലീസ്​ ആശാരിപള്ളം സർക്കാർ മെഡിക്കൽ കോളജ് ആശു​പത്രിയിൽ പ്രവേശിപ്പിച്ചു. ഇരണിയൽ പൊലീസ്​ കേസെടുത്തു.