ബലാത്സംഗത്തെ തുടർന്ന്​ ആത്മഹത്യ: പ്രതി മാസങ്ങൾക്ക് ശേഷം പിടിയിൽ

ബാലരാമപുരം: ബലാത്സംഗത്തെ തുടർന്ന്​ പ്രായപൂർത്തിയാകാത്ത പെൺകുട്ടി ആത്മഹത്യ ചെയ്ത സംഭവത്തിലെ പ്രതിയെ മാസങ്ങൾക്ക് ശേഷം ബാലരാമപുരം പൊലീസ്​ പിടികൂടി. വണ്ടിത്തടം എംജി.കോളജിന് പിറകുവശം കിഴക്കേചരിവുവിളവീട്ടിൽ തക്കുടു എന്ന സഞ്ചിത്തിനെയാണ്​ (19) ബാലരാമപുരം പൊലീസ്​ പിടികൂടിയത്. ഒളിവിൽ കഴിഞ്ഞ പ്രതിയെ ബാലരാമപുരം സി.ഐ ജി. ബിനു, സബ്ഇൻസ്​പെക്ടർ എസ്​. വിനോദ്കുമാർ, അഡീഷനൽ എസ്​.ഐ തങ്കരാജ്, ജി.എസ്.​ഐമാരായ സാജൻ, അജയൻ, സീനിയർ സിവിൽ പൊലീസ്​ ഓഫിസർ അനിൽകുമാർ എന്നിവർ ചേർന്നാണ്​ അറസ്​റ്റ്​ ചെയ്തത്​. കോടതിയിൽ ഹാജരാക്കി റിമാൻഡ്​ ചെയ്തു.