വെഞ്ഞാറമൂട് ഇരട്ടക്കൊല; പ്രതികളെ പൊലീസ് കസ്​റ്റഡിയില്‍ വാങ്ങി

വെഞ്ഞാറമൂട്: ഡി.വൈ.എഫ്.ഐ പ്രവര്‍ത്തകരായ രണ്ടുപേരുടെ കൊലപാതകത്തിലെ പ്രതികളെ പൊലീസ് കസ്​റ്റഡിയില്‍ വാങ്ങി. റിമാൻഡിലായിരുന്ന ഷജിത്, സതിമോന്‍, നജീബ്, സജീവ്, സനല്‍ എന്നിവരെയാണ് പൊലീസ് കൂടുതല്‍ ചോദ്യം ചെയ്യലിനും തെളിവെടുപ്പിനുമായി ഏറ്റുവാങ്ങിയത്. പ്രതികളുടെ രാഷ്​ട്രീയ ബന്ധങ്ങളും ഗൂഢാലോചനയും ഉൾപ്പെടെ ചോദ്യം ചെയ്യലിനു വിധേയമാക്കും. അടുത്ത ദിവസങ്ങളില്‍ തെളിവെടുപ്പിനായി സംഭവ സ്ഥലത്ത് കൊണ്ടുവരുമെന്നാണ് സൂചന.