പങ്കാളിത്ത പെന്‍ഷന്‍ വിജ്ഞാപനം മറ്റൊരു തെറ്റുതിരുത്തല്‍ -ഉമ്മന്‍ ചാണ്ടി

തിരുവനന്തപുരം: യു.ഡി.എഫ് സര്‍ക്കാര്‍ നടപ്പാക്കിയ പങ്കാളിത്ത പെന്‍ഷന്‍ പദ്ധതിയുമായി മുന്നോട്ടുപോകാന്‍ തീരുമാനിച്ച് വിജ്ഞാപനം പുറപ്പെടുവിച്ചത് മറ്റൊരു തെറ്റുതിരുത്തലാണെന്ന് മുന്‍മുഖ്യമന്ത്രി ഉമ്മന്‍ ചാണ്ടി. യു.ഡി.എഫ് സര്‍ക്കാര്‍ നടപ്പാക്കുകയും സി.പി.എം എതിര്‍ക്കുകയും ചെയ്തശേഷം നടപ്പാക്കിയവയാണ് സ്വാശ്രയ കോളജുകള്‍, സ്വയംഭരണ കോളജുകള്‍ തുടങ്ങിയവ. കേരളത്തില്‍ സംസ്ഥാന സര്‍ക്കാര്‍ ജീവനക്കാരും സര്‍ക്കാറും ശമ്പളത്തി​ൻെറ പത്ത്​ ശതമാനം വീതമാണ് പെന്‍ഷന്‍ ഫണ്ടില്‍ അടയ്​ക്കുന്നത്. കേന്ദ്രസര്‍ക്കാര്‍ ജീവനക്കാരുടെ കാര്യത്തില്‍ കേന്ദ്ര വിഹിതം ഇപ്പോള്‍ 14 ശതമാനവും ജീവനക്കാരുടേത് പത്ത്​ശതമാനവും ആണ്. സംസ്ഥാന സര്‍ക്കാര്‍ ജീവനക്കാരോട് അല്‍പമെങ്കിലും ആത്മാർഥത ഉണ്ടെങ്കില്‍ സംസ്ഥാന സര്‍ക്കാര്‍ വിഹിതം അടിയന്തരമായി 14 ശതമാനമായി ഉയര്‍ത്തുകയാണുവേണ്ടത്​.