പി.എസ്​.സിയുടെ ഭീഷണി ജനാധിപത്യവിരുദ്ധം -യുവമോർച്ച

തിരുവനന്തപുരം: ജനാധിപത്യ രാജ്യത്ത് അഭിപ്രായസ്വാതന്ത്ര്യം പോലും നിഷേധിക്കുന്ന പി.എസ്​.സി നടപടി അപലപനീയമാണെന്ന് യുവമോർച്ച സംസ്ഥാന അധ്യക്ഷൻ പ്രഫുൽ കൃഷ്ണൻ. പി.എസ്​.സിയുടെ ചട്ടലംഘനങ്ങളെയും തസ്തിക പൂഴ്ത്തിവെക്കലും ചൂണ്ടിക്കാട്ടിയ ഉദ്യോഗാർഥികളെ വിലക്കുന്ന നടപടി അംഗീകരിക്കാൻ കഴിയില്ല. ഭീഷണിപ്പെടുത്തിയും പേടിപ്പിച്ചും എതിർശബ്​ദങ്ങളെ ഇല്ലാതാക്കാനുള്ള ശ്രമം ചെറുത്തുതോൽപിക്കേണ്ടതുണ്ട്.