കന്യാകുമാരി ജില്ലക്ക്​ ഓണത്തിന് പ്രാദേശിക അവധി

നാഗർകോവിൽ: കന്യാകുമാരി ജില്ലക്ക്​ തിരുവോണദിവസമായ തിങ്കളാഴ്ച പ്രാദേശിക അവധി നൽകി ജില്ല ഭരണകൂടം ഉത്തരവിറക്കി. സംസ്​ഥാന സർക്കാർ സ്​ഥാപനങ്ങൾക്ക് അവധി ബാധകമായിരിക്കും. കന്യാകുമാരി ജില്ലയിൽ ഞായറാഴ്ചകളിൽ സമ്പൂർണ ലോക്ഡൗൺ ആയതിനാൽ ഉത്രാട ദിവസം ആളുകൾക്ക് സാധനങ്ങൾ വാങ്ങാൻ പ്രയാസം നേരിടും. ഇക്കാരണത്താൽ ഞായറാഴ്ച ദിവസത്തെ ലോക്ഡൗൺ പിൻവലിക്കണമെന്ന് സി.പി.എം ജില്ല സെക്രട്ടറി ആർ. ചെല്ലസ്വാമി ജില്ല കലക്ടർക്ക് നിവേദനം നൽകി.