Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightTrivandrumchevron_rightനിയമസഭക്കുമുന്നിൽ...

നിയമസഭക്കുമുന്നിൽ പ്രതിഷേധം; ബി.ജെ.പി നേതാക്കളെ അറസ്​റ്റ്ചെയ്തുനീക്കി

text_fields
bookmark_border
തിരുവനന്തപുരം: സ്വർണക്കടത്തിന് കൂട്ടുനിന്ന മുഖ്യമന്ത്രി രാജിവെക്കണമെന്ന് ആവശ്യപ്പെട്ട് നിയമസഭാകവാടത്തിനുമുന്നിൽ പ്രതിഷേധിച്ച ബി.ജെ.പി നേതാക്കളെ പൊലീസ് അറസ്​റ്റ്​ചെയ്തുനീക്കി. രാവിടെ 11.30 ഓടെ നിയമസഭയിൽനിന്ന് പുറത്തുവന്ന ഒ. രാജഗോപാൽ എം.എൽ.എ പ്രതിഷേധം ഉദ്ഘാടനം ചെയ്തു. എൽ.ഡി.എഫ് സർക്കാർ കള്ളക്കടത്തിനും അഴിമതിക്കും കൂട്ടുനിൽക്കുകയാണെന്ന് രാജഗോപാൽ കുറ്റപ്പെടുത്തി. ഉമ്മൻ ചാണ്ടിയുടെ കാലത്ത് സരിതയാണെങ്കിൽ ഇപ്പോൾ സ്വപ്നയാണ് മുഖ്യമന്തിയുടെ ഓഫിസിനെ നിയന്ത്രിക്കുന്നതെന്നും അദ്ദേഹം പറഞ്ഞു. ജനാധിപത്യത്തി​ൻെറ കശാപ്പുശാലയായി കേരളം മാറിയെന്ന് ബി.ജെ.പി സംസ്ഥാന പ്രസിഡൻറ്​ കെ. സുരേന്ദ്രൻ പറഞ്ഞു. രാജഗോപാൽ സംസാരിച്ചുതുടങ്ങിയപ്പോൾ നിയമസഭാകവാടത്തിനുമുന്നിൽ സമരം അനുവദിക്കില്ലെന്നും അറസ്​റ്റ്​ ചെയ്യുകയാണെന്നും പൊലീസ് അറിയിച്ചു. പൊലീസ്ജീപ്പിൽ കയറാൻ വിസമ്മതിച്ചവരെ പൊലീസ് ബലം​ പ്ര​യോഗിച്ച്​ ജീപ്പിലേക്ക്​ മാറ്റി. കെ. സുരേന്ദ്രൻ, സംസ്ഥാന ജനറല്‍ സെക്രട്ടറിമാരായ ജോര്‍ജ് കുര്യന്‍, പി. സുധീര്‍, വൈസ് പ്രസിഡൻറ് വി.ടി. രമ, സെക്രട്ടറിമാരായ അഡ്വ. എസ്. സുരേഷ്, സി. ശിവന്‍കുട്ടി, ജില്ല പ്രസിഡൻറ് വി.വി. രാജേഷ് എന്നിവരെ ബലം പ്രയോഗിച്ചാണ് ​െപാലീസ് നീക്കം ചെയ്തത്. പിന്നീട് നേതാക്കളെ ജാമ്യത്തില്‍ വിട്ടു. അറസ്​റ്റിൽ പ്രതിഷേധിച്ച് യുവമോർച്ച നേതൃത്വത്തിൽ നിയമസഭയിലേക്ക് മാർച്ച്‌ നടത്തി. ​െപാലീസ് ബാരിക്കേഡ്​ വെച്ച് മാർച്ച് തടഞ്ഞു.
Show Full Article
TAGS:
Next Story