Begin typing your search above and press return to search.
exit_to_app
exit_to_app
Posted On
date_range 23 July 2020 11:58 PM GMT Updated On
date_range 23 July 2020 11:58 PM GMTമൂന്നാംമുറക്കാർ പൊലീസിൽ വേണ്ട -മുഖ്യമന്ത്രി
text_fieldsbookmark_border
തിരുവനന്തപുരം: മൂന്നാംമുറ അനുവദിക്കില്ലെന്നും അതിന് ശ്രമിക്കുന്നവർക്ക് പൊലീസിൽ സ്ഥാനമുണ്ടാകില്ലെന്നും മുഖ്യമന്ത്രി പിണറായി വിജയൻ. കുറ്റവാളികളോട് കർക്കശ നിലപാട് സ്വീകരിക്കുമ്പോൾ സാധാരണക്കാരോട് സൗഹൃദത്തോടെയായിരിക്കണം പൊലീസിൻെറ ഇടപെടലെന്ന് പരിശീലനം പൂർത്തിയാക്കിയ വനിതകളടക്കം 104 സബ് ഇൻസ്പെക്ടർമാരുടെ പാസിങ് ഔട്ട് പരേഡ് വിഡിയോ കോൺഫറൻസിലൂടെ ഉദ്ഘാടനം ചെയ്ത് അദ്ദേഹം പറഞ്ഞു. പ്രലോഭനങ്ങളും സമ്മർദങ്ങളും ചെറുക്കാൻ ദൃഢനിശ്ചയം ഉണ്ടാവണം. അങ്ങനെയായാൽ ഉദ്യോഗസ്ഥർക്കുപിന്നിൽ സർക്കാർ അതിശക്തമായി നിലയുറപ്പിക്കും. സ്വാധീനങ്ങൾക്കും സമ്മർദങ്ങൾക്കും കീഴടങ്ങി ന്യായത്തിൻെറ വഴിയിൽ നിന്ന് വ്യതിചലിക്കുന്നവരെ സർക്കാർ കൈയൊഴിയും. സർക്കാറിനെ സാധാരണക്കാർ തൊട്ടറിയുന്നത് പൊലീസിൻെറ പ്രവർത്തനത്തിലൂടെയാണ്. മടിയും ഭയവുമില്ലാതെ പൊലീസ് സ്റ്റേഷനുകളിൽ കടന്നുചെല്ലാനും പരാതി ബോധിപ്പിക്കാനും ആർക്കും സാധിക്കണം. മികച്ച കാഡറ്റായി െതരഞ്ഞെടുക്കപ്പെട്ട എം. സരിതയെയും മറ്റ് അവാർഡ് ജേതാക്കളെയും മുഖ്യമന്ത്രി അഭിനന്ദിച്ചു. സംസ്ഥാന പൊലീസ് മേധാവി ലോക്നാഥ് ബെഹ്റ, എ.ഡി.ജി.പി ഡോ. ബി. സന്ധ്യ എന്നിവർ പങ്കെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story