പ്രതിരോധ പ്രവര്‍ത്തനങ്ങളില്‍ വീഴ്​ച -കൊടിക്കുന്നില്‍

തിരുവനന്തപുരം: കോവിഡ്-19​ പ്രതിരോധ പ്രവര്‍ത്തനങ്ങളില്‍ സര്‍ക്കാര്‍ മനഃപൂര്‍വം പിന്നാക്കംപോകുന്നതായി കെ.പി.സി.സി വര്‍ക്കിങ്​ പ്രസിഡൻറ്​ കൊടിക്കുന്നില്‍ സുരേഷ് എം.പി. പ്രതിരോധ പ്രവര്‍ത്തനങ്ങളുടെ കാര്യക്ഷമത കുറഞ്ഞതുമൂലം സമ്പര്‍ക്കവ്യാപനം കൂടുകയാണ്​. പൂന്തുറയിലുണ്ടായ സംഭവം അതീവ ഗൗരവമുള്ളതാണ്. സര്‍ക്കാർ ഭാഗത്തുനിന്നുള്ള വീഴ്ചയും ​െകടുകാര്യസ്ഥതയും മൂലമാണ് ദിവസങ്ങളായി തലസ്ഥാനനഗരി അടച്ചിട്ടിരിക്കുന്നത്. ഭരണസിരാകേന്ദ്രമായ സെക്ര​േട്ടറിയറ്റും കലക്ടറേറ്റും ഒക്കെ അടച്ചിട്ട് മന്ത്രിമാരും ഉദ്യോഗസ്​ഥരും വീട്ടിലിരിക്കുന്നത് ഭരണ പ്രതിസന്ധി ഉണ്ടാക്കുമെന്നും അദ്ദേഹം പറഞ്ഞു.