ഔഷധസസ്യത്തോട്ടം ഉദ്ഘാടനം

നേമം: ജൈവവൈവിധ്യ ബോര്‍ഡും പള്ളിച്ചല്‍ പഞ്ചായത്തും സംയുക്തമായി നടപ്പാക്കുന്ന ഔഷധസസ്യത്തോട്ടം നിർമാണോദ്ഘാടനം ഐ.ബി. സതീഷ് എം.എല്‍.എ നിര്‍വഹിച്ചു. നരുവാമൂട് എസ്.ആര്‍.എസ് യു.പി.എസില്‍ നടന്ന ചടങ്ങില്‍ പള്ളിച്ചല്‍ പഞ്ചായത്ത് പ്രസിഡന്റ് ടി. മല്ലിക അധ്യക്ഷത വഹിച്ചു. പഞ്ചായത്ത് പരിധിയിലെ വിവിധ സ്‌കൂളുകളിലായി 13 ഔഷധസസ്യത്തോട്ടങ്ങളാണ് നിർമിക്കുന്നത്. ജൈവ വൈവിധ്യ ബോര്‍ഡ് ചെയര്‍മാന്‍ ഡോ. സി. ജോര്‍ജ് തോമസ്, ക്ഷേമകാര്യ സ്റ്റാൻഡിങ്​ കമ്മിറ്റി ചെയര്‍പേഴ്‌സണ്‍ ബിന്ദു, വാര്‍ഡ് മെംബര്‍മാരായ കെ. രാകേഷ്, സി.ആര്‍. സുനു, സജി, അനുശ്രീ, ഗീത, രാജേഷ്, സരിത, മാലിനി എന്നിവര്‍ പങ്കെടുത്തു.