സർക്കാറിനെ അസ്ഥിരപ്പെടുത്താൻ ശ്രമം -കാനം

തിരുവനന്തപുരം: എൽ.ഡി.എഫ് സർക്കാറിനെ ചിലർ അസ്ഥിരപ്പെടുത്താൻ ശ്രമിക്കുകയാണെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രൻ. സി.പി.ഐ വട്ടിയൂർക്കാവ് മണ്ഡലം സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. എട്ടുവർഷംകൊണ്ട് ബി.ജെ.പി സർക്കാർ കൂടുതൽ വലത്തേക്ക് നീങ്ങിക്കൊണ്ടിരിക്കുന്നതാണ് കാണുന്നത്. പൗരസ്വാതന്ത്ര്യം ഇല്ലാതായിക്കൊണ്ടിരിക്കുന്നു. കേരളത്തിൽ എൽ.ഡി.എഫ് സർക്കാറിനെ അപകീർത്തിപ്പെടുത്താൻ നിഗൂഢ ശ്രമം നടക്കുകയാണ്. അതിന് യു.ഡി.എഫും ബി.ജെ.പിയും ചേർന്ന് പ്രവർത്തിക്കുന്നുവെന്നും അദ്ദേഹം ആരോപിച്ചു. മുതിർന്ന നേതാവ് ഷൺമുഖൻ പിള്ള പതാകയുയർത്തി. കാവല്ലൂർ കൃഷ്ണൻ നായർ, കെ.വി. ജയപ്രകാശ്, കെ. ദേവകി, മുട്ടട രാജേഷ് എന്നിവർ പ്രിസീഡിയം അംഗങ്ങളായിരുന്നു. പി.ജെ. സന്തോഷ് രക്തസാക്ഷി പ്രമേയവും ബി. ജയകുമാർ അനുശോചന പ്രമേയവും പി.എസ്. നായിഡു സ്വാഗതവും പറഞ്ഞു. കെ.എസ്. അരുൺ രാഷ്ടീയറിപ്പോർട്ട് അവതരിപ്പിച്ചു. മന്ത്രി ജി.ആർ. അനിൽ, ജില്ല സെക്രട്ടറി മാങ്കോട് രാധാകൃഷ്ണൻ, അഡ്വ. ജെ. വേണുഗോപാലൻ നായർ, ഇന്ദിരാ രവീന്ദ്രൻ, കല്ലിംഗൽ ജയചന്ദ്രൻ, പി.കെ. രാജു, കള്ളിക്കാട് ചന്ദ്രൻ, പൂവച്ചൽ ഷാഹുൽ, പി.എസ്. ഷൗക്കത്ത്, മനോജ് ഇടമന, വിളപ്പിൽ രാധാകൃഷ്ണൻ തുടങ്ങിയവർ സംസാരിച്ചു. ചിത്രം: സി.പി.ഐ വട്ടിയൂർക്കാവ് മണ്ഡലം സമ്മേളനം സംസ്ഥാന സെക്രട്ടറി കാനം രാജേന്ദ്രൻ ഉദ്ഘാടനം ചെയ്യുന്നു