സാന്തോം വീടുകൾ കൈമാറി

must പടം മെയിൽ. പത്തനംതിട്ട: കത്തോലിക്ക സഭ പത്തനംതിട്ട രൂപതയുടെ ആഭിമുഖ്യത്തിൽ നടപ്പാക്കുന്ന ഭവന നിർമാണ പദ്ധതിയായ സാന്തോം ഹൗസിങ്​ പദ്ധതിയിൽ ഭവനരഹിതരായ കുടുംബങ്ങൾക്കായി നിർമിച്ച വീടി​ൻെറ താക്കോൽദാനം മൈലപ്രയിൽ നടന്നു. കഴിഞ്ഞ പ്രളയ കാലത്ത് ഭവനവും വസ്തുവും നഷ്​ടപ്പെട്ട ആറ്​​ കുടുംബങ്ങൾക്കാണ് ആദ്യഘട്ടം വീടുകൾ നിർമിച്ചുനൽകിയത്​. ഒരു വീടിന് ആറു ലക്ഷത്തോളം രൂപ ചെലവായിട്ടുണ്ട്. രൂപത അധ്യക്ഷൻ ഡോ. സാമുവൽ മാർ ഐറേനിയോസ്,ബിഷപ് എമിരിത്തൂസ് യൂഹാനോൻ മാർ ക്രിസോസ്​റ്റം എന്നിവർ ചേർന്ന് താക്കോൽ ദാന ചടങ്ങ് നിർവഹിച്ചു. ഫാ . ജോസ് ചാമക്കാലായിൽ കോർ എപ്പിസ്ക്കോപ്പ, പ്രൊക്യൂറേറ്റർ ഫാ.സിജോ ജെയിംസ് ചരിവു പറമ്പിൽ, ഫാ. വർഗീസ് കൂത്തിനേത്ത്, സണ്ണി മാത്യു പാറയ്ക്കൽ, സിസ്​റ്റർ മേരി ജോൺ എന്നിവർ പങ്കെടുത്തു.