വീട് നിലംപൊത്തി; പഞ്ചായത്തംഗത്തിെൻറ താമസം ഷെഡിൽ
text_fieldsകോട്ടായി: മഴയിൽ മൺചുമർ നനഞ്ഞ് കുതിർന്ന് ഓടിട്ട വീട് നിലംപൊത്തിയതോടെ പഞ്ചായത്ത് സ്റ്റാൻഡിങ് കമ്മിറ്റി ചെയർമാനും കുടുംബവും താമസിക്കുന്നത് ഷെഡിനുള്ളിൽ. കോട്ടായി ഗ്രാമപഞ്ചായത്ത് ഒമ്പതാം വാർഡ് സി.പി.എം അംഗവും വികസന കാര്യസമിതി ചെയർമാനുമായ പുളിനെല്ലി വെങ്ങറംകോട് വി.കെ. സുരേന്ദ്രനും കുടുംബവുമാണ് ഷെഡ് കെട്ടി താമസിക്കുന്നത്.
ഇവർ താമസിച്ചിരുന്ന വീട് ഒാണത്തിന് മുമ്പ് പെയ്ത ശക്തമായ മഴയിലും കാറ്റിലും നിലംപൊത്തി.
തലനാരിഴക്കാണ് കുടുംബം പരിക്കേൽക്കാതെ രക്ഷപ്പെട്ടത്. പഞ്ചായത്തിെൻറ ഭവന പദ്ധതികളിലൊന്നും ഇവർ രജിസ്റ്റർ ചെയ്തിട്ടില്ല. പതിറ്റാണ്ടുകളായി പൊതുപ്രവർത്തന രംഗത്ത് പ്രവർത്തിക്കുന്ന സുരേന്ദ്രൻ, വർഷങ്ങളായി കോട്ടായി ഗവ. ഹയർ സെക്കൻഡറി സ്കൂൾ പി.ടി.എ പ്രസിഡൻറാണ്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.