Begin typing your search above and press return to search.
exit_to_app
exit_to_app
Posted On
date_range 1 July 2020 8:19 PM GMT Updated On
date_range 1 July 2020 8:19 PM GMTഇല്ലായ്മയെ അതിജീവിച്ച് എ പ്ലസ് നേടിയ വിദ്യാർഥിനിക്ക് ആദരം
text_fieldsbookmark_border
മണ്ണൂർ: ഇല്ലായ്മയെ അതിജീവിച്ച് എസ്.എസ്.എൽ.സിക്ക് മുഴുവൻ വിഷയത്തിലും എ പ്ലസ് നേടിയ പത്തിരിപ്പാല ജി.വി.എച്ച്.എസിലെ വിദ്യാർഥിനിക്ക് ഗ്രാമപഞ്ചായത്തിൻെറ ആദരം. മണ്ണൂർ നഗരിപ്പുറം വെങ്ങാലികുന്ന് കോളനിയിലെ സുബ്രഹ്മണ്യൻെറ മകൾ പവിത്രയെയാണ് പഞ്ചായത്ത് പ്രസിഡൻറ് ഒ.വി. സ്വാമിനാഥൻ വീട്ടിലെത്തി ആദരിച്ചത്. സ്കൂളിലെ ട്യൂഷൻ ക്ലാസുകളിലും മുടങ്ങാതെ പോയിരുന്നു. സ്കൂൾ പി.ടി.എയും അധ്യാപകരും പഠനകാര്യത്തിൽ ഇടപെട്ടതോടെയാണ് എ പ്ലസ് നേടാനായത്. ഗ്രാമപഞ്ചായത്ത് പ്രസിഡൻറ് ഒ.വി. സ്വാമിനാഥൻ ഉപഹാരം സമ്മാനിച്ചു. സി.പി.എം ലോക്കൽ കമ്മിറ്റിക്ക് വേണ്ടി സെക്രട്ടറി ടി.ആർ. ശശി, ഡി.വൈ.എഫ്.ഐക്ക് വേണ്ടി ജില്ല കമ്മിറ്റിയംഗം മുത്തലി എന്നിവർ ഉപഹാരം കൈമാറി. ഡോക്ടറാകാനാണ് പവിത്രക്ക് മോഹം. പവിത്രയുടെ തുടർപഠനത്തിന് വേണ്ട എല്ലാ സഹായങ്ങളും ഡി.വൈ.എഫ്.ഐ ഏറ്റെടുക്കുമെന്ന് മുത്തലി പറഞ്ഞു. ശിഹാബ് പത്തിരിപ്പാല, സജിത് മണ്ണൂർ, അബ്ദുൽ റഹിമാൻ, പ്രമോദ് എന്നിവരും കൂടെയുണ്ടായിരുന്നു. ചിത്രം: pew pavithra aadaram എ പ്ലസ് നേടിയ വെങ്ങാലി കുന്നിൽ പവിത്രയെ മണ്ണൂർ ഗ്രാമപഞ്ചായത്ത് പ്രസിഡൻറ് ഒ.വി. സ്വാമിനാഥൻ ആദരിക്കുന്നു
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story