വളവിൽ ടോറസ് ലോറി കുടുങ്ങി, ചുരത്തിൽ ഏഴ് മണിക്കൂർ ഗതാഗതം ഭാഗികമായി തടസ്സപ്പെട്ടു

ഈങ്ങാപ്പുഴ: താമരശ്ശേരി ചുരത്തിൽ ഏഴാം വളവിൽ ടോറസ് ലോറി യന്ത്രത്തകരാർ മൂലം കുടുങ്ങി ഏഴ് മണിക്കൂർ ഗതാഗതം ഭാഗികമായി തടസ്സപ്പെട്ടു. ശനിയാഴ്ച പുലർച്ച നാലുമണിയോടെ വയനാട്ടിലേക്ക് സിമൻറ്​ ലോഡുമായി പോവുകയായിരുന്ന ലോറിയാണ് കുടുങ്ങിയത്. ഹൈവേ പൊലീസ്, ചുരം സംരക്ഷണ സമിതി പ്രവർത്തകർ എന്നിവർ ചേർന്ന് വൺവേയായി ഗതാഗതം നിയന്ത്രിച്ചു. 11 മണിയോടെ ക്രെയിൻ ഉപയോഗിച്ച് ലോറി മാറ്റിയാണ് ഗതാഗതം സാധാരണ നിലയിലാക്കിയത്.