ഇരട്ടക്കൊല: ഡി.വൈ.എഫ്.ഐ യുവരോഷം

കോഴിക്കോട്: കോൺഗ്രസി​ൻെറ കൊലപാതക രാഷ്​ട്രീയത്തിനെതിരെ കോഴിക്കോട് ജില്ലയിൽ ഡി.വൈ.എഫ്.ഐ യുവരോഷം സംഘടിപ്പിച്ചു. 17 ബ്ലോക്കുകളിലായി 14,000 കേന്ദ്രങ്ങളിൽ അഞ്ച് പേർ വീതം പങ്കെടുത്ത പ്രതിഷേധ സമരത്തിൽ 70,000 പേർ പ​െങ്കടുത്തു. കോഴിക്കോട് നഗരത്തിൽ നടന്ന യുവരോഷം സംസ്ഥാന ജോ. സെക്രട്ടറി പി. നിഖിൽ ഉദ്ഘാടനം ചെയ്തു. ജില്ല സെക്രട്ടറി വി. വസീഫ്, ജില്ല കമ്മിറ്റി അംഗങ്ങളായ ആർ. ഷാജി, ഫഹദ്​ ഖാൻ എന്നിവർ നേതൃത്വം നൽകി. കോഴിക്കോട് മാനാഞ്ചിറക്ക്​ മുൻവശമായിരുന്നു പന്തംകൊളുത്തി പ്രകടനം. ഡി.വൈ.എഫ്​.​െഎ സംസ്ഥാന ജോ. സെക്രട്ടറി പി. നിഖിൽ, ജില്ല സെക്രട്ടറി വി. വസീഫ്, പേരാമ്പ്ര ബ്ലോക്കിൽ സംസ്ഥാന ട്രഷറർ എസ്.കെ. സജീഷ്, ഫറോക്ക് ബ്ലോക്കിൽ ജില്ല പ്രസിഡൻറ്​​ എൽ.ജി. ലിജിഷ്, കുന്നുമ്മൽ ബ്ലോക്കിൽ ജില്ല ട്രഷറർ പി.സി. ഷൈജു എന്നിവർ പങ്കാളികളായി. സംസ്ഥാന കമ്മിറ്റി അംഗങ്ങളായ പി. ഷിജിത്ത് കോഴിക്കോട് സൗത്ത് ബ്ലോക്കിലും കെ.വി. ലേഖ ഒഞ്ചിയം ബ്ലോക്കിലും പി.കെ. അജിഷ് പേരാമ്പ്ര ബ്ലോക്കിലും നേതൃത്വം നൽകി. പടം pk