മലബാർ ദേവസ്വം ബോർഡ് പ്രസിഡൻറ്​ ഒ.കെ. വാസുവിനുനേരെ കൈയേറ്റശ്രമം

പാനൂർ: മലബാർ ദേവസ്വം ബോർഡ് പ്രസിഡൻറ്​ ഒ.കെ. വാസുവിനെതിരെ കൈയേറ്റശ്രമം. പിന്നിൽ ആർ.എസ്.എസാണെന്ന് സി.പി.എം ആരോപിച്ചു. ഞായറാഴ്ച വൈകീട്ട് ആറോടെ സെൻട്രൽ പൊയിലൂരിൽ റേഷൻപീടികക്കടുത്തുവെച്ചാണ് ആക്രമണശ്രമം നടന്നത്. വീട്ടിലേക്ക് വാഹനം വരുന്ന വഴിയിൽ ബൈക്കുകൾ നിർത്തിവെച്ച് മാർഗതടസ്സം സൃഷ്​ടിച്ച സംഘമാണ് കൈയേറ്റശ്രമം നടത്തിയതത്രെ. ഗൺമാ​ൻെറയും ഡ്രൈവറുടെയും അവസരോചിത ഇടപെടലിൽ സംഘം മടങ്ങുകയായിരുന്നു. സംഘത്തി​ൻെറ കൈയിൽ ഇരുമ്പുവടി ഉൾപ്പെടെയുള്ള മാരകായുധങ്ങൾ ഉണ്ടായിരുന്നതായി ഒ.കെ. വാസു കൊളവല്ലൂർ പൊലീസിൽ നൽകിയ പരാതിയിൽ പറയുന്നു. ആർ.എസ്.എസ് പ്രവർത്തകരാണ് പിന്നിലെന്ന പരാതിയുടെ അടിസ്ഥാനത്തിൽ കൊളവല്ലൂർ ഇൻസ്പെക്ടർ വി.വി. ലതീഷി​ൻെറ നേതൃത്വത്തിൽ അന്വേഷണം ആരംഭിച്ചു. സി.പി.എം പൊയിലൂർ ലോക്കൽ കമ്മിറ്റി അംഗംകൂടിയാണ് ഒ.കെ. വാസു.