മലയോര മേഖലയിൽ മഴ ശക്തമായതോടെ പൂനൂർ പുഴ കരകവിഞ്ഞൊഴുകി; പ്രദേശവാസികൾ ഭീഷണിയിൽ

ബാലുശ്ശേരി: മലയോര മേഖലയിൽ മഴ ശക്തമായതോടെ പൂനൂർ പുഴ കരകവിഞ്ഞൊഴുകി ജനവാസ കേന്ദ്രങ്ങൾക്ക് ഭീഷണിയാകുന്നു. കഴിഞ്ഞ ദിവസങ്ങളിൽ തുടർച്ചയായി പെയ്ത മഴയിൽ പൂനൂർ പുഴയിൽ വെള്ളം കയറി തലയാട്, ചീടിക്കുഴി പ്രദേശങ്ങളിലെ കൃഷിയിടങ്ങൾ വെള്ളത്തിലായി. കാന്തലാട് വില്ലേജി​ൻെറ വിവിധ ഭാഗങ്ങളിൽ മലയിടിച്ചിൽ ഭീഷണിയുമുണ്ട്. മലയിടിഞ്ഞ് പുഴയിൽ വെള്ളം കയറിയാൽ തലയാട്, ചീടിക്കുഴി ഭാഗങ്ങളിലെ ജനവാസമേഖല അപകടഭീഷണിയിലാകും. മഴ ഇനിയും തുടർന്നാൽ ജാഗ്രത പാലിക്കണമെന്ന് പ്രദേശവാസികളോട് അധികൃതർ ആവശ്യപ്പെട്ടിട്ടുണ്ട്.