Begin typing your search above and press return to search.
exit_to_app
exit_to_app
Posted On
date_range 23 July 2020 11:58 PM GMT Updated On
date_range 23 July 2020 11:58 PM GMTകോവിഡ് ഡ്യൂട്ടിയിലുള്ള അധ്യാപകനെ എസ്.ഐ അപമാനിച്ചതായി പരാതി
text_fieldsbookmark_border
പയ്യോളി: കോവിഡ് ഡ്യൂട്ടിയിലുള്ള അധ്യാപകനോട് എസ്.ഐ അപമര്യാദയായി പെരുമാറിയെന്ന് പരാതി. പയ്യോളി നഗരസഭയിലെ ഡിവിഷൻ പതിനാറിൽ കോവിഡ് ഡ്യൂട്ടിയിലായിരുന്ന തൃക്കോട്ടൂർ യു.പി സ്കൂൾ അധ്യാപകനും ഇടത് അനുകൂല അധ്യാപക സംഘടന നേതാവുമായ പി. അനീഷിനോടാണ് പയ്യോളി എസ്.ഐ പി.എം. സുനിൽ കുമാർ അപമര്യാദയായി പെരുമാറിയതെന്നാണ് പരാതി. കണ്ടെയ്ൻമൻെറ് സോണായ മണിയൂർ പഞ്ചായത്തിൽനിന്നും പയ്യോളി നഗരസഭയുമായി ബന്ധിപ്പിക്കുന്ന തുറശ്ശേരിക്കടവ് പാലത്തിൽ നിയന്ത്രണവിധേയമായി വാഹനങ്ങൾ കടത്തിവിടുന്ന ഡ്യൂട്ടിയിലായിരുന്നു അനീഷ്. എന്നാൽ, താൻ പറഞ്ഞുവിട്ട ആളെ കടത്തിവിട്ടിെല്ലന്നതാണ് എസ്.ഐയുടെ വാദം. പാസോ അനുബന്ധ രേഖകളോ ഇല്ലാത്ത ഒരാളെ കണ്ടെയ്ൻമൻെറ് സോണിൽനിന്നും കടത്തിവിടാൻ കഴിയില്ലെന്ന് അനീഷ് അറിയിക്കുകയും ചെയ്തു. ഉടനെ സ്ഥലത്തെത്തിയ എസ്.ഐ സഭ്യമല്ലാത്ത ഭാഷയിൽ സംസാരിച്ചുവെന്നാണ് അനീഷ് ആരോപിക്കുന്നത്. എസ്.ഐക്കെതിരെ മുഖ്യമന്ത്രിക്കും ആരോഗ്യമന്ത്രിക്കും ജില്ല കലക്ടർക്കും റൂറൽ പൊലീസ് സൂപ്രണ്ടിനും അനീഷ് പരാതി നൽകിയിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story