Begin typing your search above and press return to search.
exit_to_app
exit_to_app
Posted On
date_range 15 July 2020 11:59 PM GMT Updated On
date_range 15 July 2020 11:59 PM GMTപ്ലസ് ടു ഫലം നൂറുമേനിയുമായി എം.എം പരപ്പിൽ
text_fieldsbookmark_border
കോഴിക്കോട്: പരപ്പിൽ എം.എം ഹയർ സെക്കൻഡറി സ്കൂളിൽ പ്ലസ്ടു പരീക്ഷയെഴുതിയ മുഴുവൻ പേർക്കും വിജയം. നൂറാം വാർഷികമാഘോഷിച്ച സ്കൂളിൻെറ ചരിത്ര നേട്ടമാണിത്. 256 പേരാണ് പരീക്ഷ എഴുതിയത്. തീര മേഖലയിൽ തെക്കെപ്പുറം പ്രദേശത്തെ ന്യൂനപക്ഷ പിന്നാക്ക വിഭാഗങ്ങൾ തിങ്ങിപ്പാർക്കുന്ന പ്രദേശത്തിൻെറ വിദ്യാഭ്യാസ മുന്നേറ്റ സൂചകമായി മാറി വിജയം. സയൻസ് ഗ്രൂപ്പിൽ രണ്ട് ബാച്ചുകളിലായി പരീക്ഷയെഴുതിയ 126 പേരിൽ മുഴുവൻ പേരും മികച്ച ഗ്രേഡോടെയാണ് വിജയിച്ചത്. കോമേഴ്സ് ഗണിതശാസ്ത്ര ഗ്രൂപ്പിലും കോമേഴ്സ് കമ്പ്യൂട്ടർ ഗ്രൂപ്പിലുമായി പരീക്ഷയെഴുതിയ 130 പേരും ഉയർന്ന ഗ്രേഡിലാണ് വിജയിച്ചത്. മുഴുവൻ വിഷയങ്ങൾക്കും 12 പേർ എ പ്ലസ് നേടി. വിദ്യാർഥികളെയും അധ്യാപകരെയും പി.ടി.എ കമ്മിറ്റി അഭിനന്ദിച്ചു. പ്രിൻസിപ്പൽ കെ.കെ. ജലീൽ, പി.ടി.എ പ്രസിഡൻറ് റാഫി മുഖദാർ എന്നിവരുടെ നേതൃത്വത്തിലുള്ള പ്രവർത്തനങ്ങളാണ് ചരിത്ര വിജയത്തിലേക്ക് നയിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story