എൽ.ഡി.എഫ്​ സർക്കാറിനെ അഭിനന്ദിച്ചു ^കെ.യു.ഡബ്ല്യു.​ജെ

എൽ.ഡി.എഫ്​ സർക്കാറിനെ അഭിനന്ദിച്ചു -കെ.യു.ഡബ്ല്യു.​ജെ എൽ.ഡി.എഫ്​സർക്കാറിനെ അഭിനന്ദിച്ചു -കെ.യു.ഡബ്ല്യു.​ജെ തിരുവനന്തപുരം: സംസ്ഥാന ബജറ്റിൽ പത്രപ്രവർത്തകപെൻഷൻ 1000 രൂപ വർധിപ്പിച്ചും പത്രപ്രവർത്തക ആരോഗ്യ ഇൻഷുറൻസിനുള്ള സർക്കാർ വിഹിതം 50 ലക്ഷം രൂപയായി ഉയർത്തിയും മാധ്യമപ്രവർത്തകരോട് അനുകൂല സമീപനം സ്വീകരിച്ച മുഖ്യമന്ത്രി പിണറായി വിജയൻ, ധനമന്ത്രി തോമസ് ഐസക്, എൽ.ഡി.എഫ്​ കൺവീനർ എ. വിജയരാഘവൻ എന്നിവരെ കേരള പത്രപ്രവർത്തക യൂനിയൻ അഭിനന്ദിച്ചു. വനിതാ മാധ്യമപ്രവർത്തകർക്ക് തിരുവനന്തപുരത്ത് താമസസൗകര്യം ഉൾപ്പെടെയുള്ള ബജറ്റിലെ നിർദേശങ്ങൾ സ്വാഗതാർഹമാണെന്ന് കെ.യു.ഡബ്ല്യു.​ജെ സംസ്ഥാന പ്രസിഡൻറ്​ കെ.പി. റെജിയും ജനറൽ സെക്രട്ടറി ഇ.എസ്. സുഭാഷും പ്രസ്താവനയിൽ പറഞ്ഞു.