Begin typing your search above and press return to search.
exit_to_app
exit_to_app
Posted On
date_range 8 Dec 2020 12:00 AM GMT Updated On
date_range 8 Dec 2020 12:00 AM GMTവിവാദ കാർഷിക നിയമങ്ങൾ പിൻവലിക്കണം -പി.ജെ. ജോസഫ്
text_fieldsbookmark_border
കോട്ടയം: കർഷകരുടെയും രാജ്യത്തിൻെറയും താൽപര്യം സംരക്ഷിക്കാതെ കേന്ദ്രസർക്കാർ കൊണ്ടുവന്ന വിവാദ കാർഷിക നിയമങ്ങൾ പാർലമൻെറ് വിളിച്ചുകൂട്ടി പിൻവലിക്കണമെന്ന് കേരള കോൺഗ്രസ് എം വർക്കിങ് ചെയർമാൻ പി.ജെ. ജോസഫ് ആവശ്യപ്പെട്ടു. കർഷക സമൂഹത്തിൻെറ താങ്ങും തണലുമായി നിൽക്കേണ്ട കേന്ദ്രസർക്കാർ കർഷകർക്ക് ദോഷകരമായ നിയമങ്ങൾ ഉണ്ടാക്കി അവരെ ശത്രുപക്ഷത്ത് നിർത്തുന്ന നിലപാട് ശരിയല്ല. കർഷക സംഘടനകളുമായി ചർച്ച ചെയ്യാതെയും പാർലമൻെറിൽ ചർച്ച നടത്താതെയുമാണ് ബില്ലുകൾ പാസാക്കിയത്. കർഷകരുടെ ഉൽപന്ന വിപണന നിയമം നടപ്പാകുന്നതോടെ കാർഷിക ഉൽപന്നങ്ങൾക്ക് നൽകുന്ന ഏറ്റവും കുറഞ്ഞ താങ്ങുവില ഇല്ലാതാകും. താങ്ങുവില ഇല്ലാതാകുന്നതോടെ ഇന്ത്യൻ കാർഷിക വിപണി പൂർണമായി കോർപറേറ്റുകളുടെ പിടിയിലാകും. വില അസ്ഥിരതയും തകർച്ചയുമായിരിക്കും ഇതിൻെറ പരിണതഫലം. ഈ നിയമങ്ങൾ കോർപറേറ്റുകളുടെ താൽപര്യങ്ങൾ സംരക്ഷിക്കാൻ മാത്രമേ ഉപകരിക്കൂ. കർഷക പ്രക്ഷോഭം കണ്ടില്ലെന്ന് നടിക്കുന്നത് ശരിയല്ലെന്നും അദ്ദേഹം പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story