Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightKottayamchevron_rightബുറെവി: സന്നിധാനത്ത്...

ബുറെവി: സന്നിധാനത്ത് സുരക്ഷ അവലോകനയോഗം ചേര്‍ന്നു

text_fields
bookmark_border
ശബരിമല: ബുറെവി ചുഴലിക്കാറ്റ് കേരളതീരത്തോട് അടുക്കുന്നതി​ൻെറ പശ്ചാത്തലത്തില്‍ ശബരിമല സന്നിധാനത്ത് അടിയന്തര സുരക്ഷ അവലോകനയോഗം ചേര്‍ന്നു. സന്നിധാനം സ്​റ്റേഷന്‍ ഓഫിസര്‍ ബി.കെ. പ്രശാന്തന്‍ കാണിയുടെ ആഭിമുഖ്യത്തില്‍ ചേര്‍ന്ന യോഗത്തില്‍ വിവിധ സുരക്ഷ സംവിധാനങ്ങള്‍ അവലോകനം ചെയ്തു. ഏത് അടിയന്തര സാഹചര്യവും നേരിടാന്‍ ശബരിമലയിലെയും പമ്പയിലെയും ഔദ്യോഗിക സംവിധാനങ്ങള്‍ സജ്ജമാണെന്ന് യോഗം വിലയിരുത്തി. വെള്ളിയാഴ്ച പുലര്‍ച്ച കാറ്റ് ശക്തിപ്രാപിച്ചാല്‍ പമ്പയില്‍നിന്നും സന്നിധാനത്തേക്കുള്ള തീര്‍ഥാടകരുടെ പ്രവേശനത്തിന് നിയന്ത്രണം ഏര്‍പ്പെടുത്തും. ശക്തമായ കാറ്റിലും മഴയിലും സ്വാമി അയ്യപ്പന്‍ റോഡില്‍ തടസ്സങ്ങള്‍ ഉണ്ടായാല്‍ അവ നീക്കുന്നതിനുള്ള സൗകര്യങ്ങളും യോഗം ഉറപ്പുവരുത്തി. കോവിഡ് പശ്ചാത്തലത്തില്‍ വിവിധ വകുപ്പുകള്‍ ജാഗ്രതയോടെ ഒരുമിച്ച് പ്രവര്‍ത്തിക്കാന്‍ തീരുമാനിച്ചു. സന്നിധാനം കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ ഫയര്‍ഫോഴ്‌സ്, വനം​, ദേവസ്വം, കെ.എസ്.ഇ.ബി ഉദ്യോഗസ്ഥര്‍ പങ്കെടുത്തു.
Show Full Article
TAGS:
Next Story