Begin typing your search above and press return to search.
exit_to_app
exit_to_app
Posted On
date_range 20 Nov 2020 12:02 AM GMT Updated On
date_range 20 Nov 2020 12:02 AM GMTമൂന്ന് വാഹനങ്ങൾ കൂട്ടിയിടിച്ച് ആറുപേർക്ക് പരിക്ക്
text_fieldsbookmark_border
കടുത്തുരുത്തി: മൂന്ന് വാഹനങ്ങൾ കൂട്ടിയിടിച്ചുണ്ടായ അപകടത്തിൽ ആറുപേർക്ക് പരിക്ക്. ആലപ്പുഴ പെരുമ്പലം പടിഞ്ഞാറ് വൈലോപ്പിള്ളി കെ.കെ. അനിൽ (44), വടകര കുഴിക്കല്ലിൽ പി.പി. ശോഭ (51), വൈക്കം പുതുപ്പാടി പി.ആർ. അനൂപ് (46), മാന്നാർ പൂഴിക്കോൽ പുത്തൻകാലായിൽ ദിവ്യ ബാബു (40), കടുത്തുരുത്തി മലയിൽ വി. വിജേഷ് (39), ചങ്ങനാശ്ശേരി ജോബ് ജോസ് (64) എന്നിവർക്കാണ് പരിക്കേറ്റത്. കോട്ടയം-എറണാകുളം റോഡിൽ ആപ്പാഞ്ചിറ ചിറപ്പുറം വളവിന് സമീപം ഇന്നലെ വൈകീട്ട് 6.30 ഓടെയായിരുന്നു അപകടം. രണ്ട് കാറുകളും ജീപ്പുമാണ് കൂട്ടിയിടിച്ചത്. ടാങ്കർ ലോറിയിൽ ഇടിക്കാതിരിക്കാൻ ശ്രമിക്കുന്നതിനിടെയാണ് കാർ മറ്റ് വാഹനങ്ങളിലിടിച്ചത്. ടാങ്കർ ലോറി നിർത്താതെ പോയതായി അഗ്നിരക്ഷാസേന അധികൃതർ പറഞ്ഞു. മുട്ടുചിറ അഗ്നിരക്ഷാ സേനയാണ് പരിക്കേറ്റവരെ മുട്ടിച്ചിറ എച്ച്.ജി.എം ആശുപത്രിയിലെത്തിച്ചത്. കടുത്തുരുത്തി പൊലീസും സ്ഥലത്തെത്തി. ഫോട്ടോ KTL accident car കടുത്തുരുത്തിയിൽ മൂന്ന് വാഹനങ്ങൾ കൂട്ടിയിടിച്ചുണ്ടായ അപകടത്തിൽ തകർന്ന കാർ പനമ്പാലത്ത് ടോറസ് വൈദ്യുതി പോസ്റ്റ് ഇടിച്ചുതകർത്തു ആർപ്പൂക്കര: പനമ്പാലത്ത് സിമൻറുമായി വന്ന കൂറ്റൻ ടോറസ് ലോറി വൈദ്യുതി പോസ്റ്റ് ഇടിച്ചുതകർത്തു. വ്യാഴാഴ്ച പുലർച്ച രണ്ടരയോടെയാണ് സംഭവം. സിമൻറ് ഗോഡൗണിലേക്ക് വന്ന 14 ചക്രമുള്ള ടോറസാണ് പോസ്റ്റ് ഇടിച്ചുതകർത്തത്. ഗാന്ധിനഗർ പൊലീസ് സ്ഥലത്തെത്തി ഡ്രൈവറെയും വാഹനവും കസ്റ്റഡിയിൽ എടുത്തു. കമ്പി പൊട്ടി വഴിയിൽ വീണതിനാൽ ഇതുവഴി ഗതാഗതം സ്തംഭിച്ചു. കെ.എസ്.ഇ.ബി ജീവനക്കാർ രാവിലെ എത്തി കമ്പികൾ മുറിച്ചുമാറ്റിയ ശേഷമാണ് ഗതാഗതം പുനഃസ്ഥാപിച്ചത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story