Begin typing your search above and press return to search.
exit_to_app
exit_to_app
Posted On
date_range 17 Nov 2020 11:59 PM GMT Updated On
date_range 17 Nov 2020 11:59 PM GMTശബരിമല പ്രസാദം രാജ്യത്തെവിടെയും തപാലില് ലഭിക്കാന് സംവിധാനം
text_fieldsbookmark_border
ശബരിമല: ഇന്ത്യയില് എവിടെയും ശബരിമല പ്രസാദം തപാലില് ലഭിക്കാൻ സംവിധാനം. മണ്ഡല-മകരവിളക്ക് ഉത്സവത്തിൻെറ ഒന്നാം ദിവസം തന്നെ ആയിരം പ്രസാദം ദേവസ്വം ബോർഡ് പോസ്റ്റല് വകുപ്പിന് കൈമാറി. മണ്ഡല, മകരവിളക്ക് തീര്ഥാടന കാലത്ത് കോവിഡ് കാരണം ശബരിമലയില് ദര്ശനത്തിന് എത്താന് കഴിയാത്ത ഭക്തര്ക്ക് വഴിപാട് പ്രസാദങ്ങള് തപാലില് എത്തിക്കാന് ദേവസ്വം ബോര്ഡും തപാല് വകുപ്പും ചേര്ന്ന് തയാറാക്കിയതാണ് തപാല് പ്രസാദ വിതരണ പദ്ധതി. രാജ്യത്ത് എവിടെയുള്ള ഭക്തര്ക്കും തൊട്ടടുത്ത തപാല് ഓഫിസ് വഴി പ്രസാദം ബുക്ക് ചെയ്യാം. പണം അടച്ചാൽ മൂന്നു ദിവസത്തിനുള്ളില് പ്രസാദം തപാലില് വീട്ടില് എത്തിക്കുന്ന രീതിയിലാണ് ക്രമീകരണം. അരവണ, ആടിയ ശിഷ്ടം നെയ്യ്, വിഭൂതി പ്രസാദം, മഞ്ഞള്, കുങ്കുമ പ്രസാദം, അര്ച്ചന പ്രസാദം എന്നിവയാണ് പ്രസാദ കിറ്റില് ഉണ്ടാവുക. 450 രൂപയാണ് വില. ബുക്ക് ചെയ്ത അത്രയും പ്രസാദം പമ്പ ത്രിവേണി പോസ്റ്റോഫിസില് ദേവസ്വം ബോര്ഡ് എത്തിച്ചു നല്കും. തപാല് വകുപ്പാണ് പ്രസാദം വിതരണം ചെയ്യുക. ഇത്തവണ ഭക്തര്ക്ക് നെയ്യഭിഷേകം നടത്തുന്നതിനുള്ള സൗകര്യമില്ല. എന്നാല്, ആചാരത്തിന് മുടക്കം വരാത്ത രീതിയില് ദേവസ്വം ജീവനക്കാര് ഭക്തര് കൊണ്ടുവരുന്ന നെയ്ത്തേങ്ങ വാങ്ങി നെയ്യെടുത്ത് ശ്രീകോവിലില് അഭിഷേകം ചെയ്യും. അഭിഷേകം ചെയ്തതിനുശേഷം നെയ്യ് പ്രത്യേകം ക്രമീകരിച്ച കൗണ്ടറില് ആടിയ ശിഷ്ടം നെയ്യായി വിതരണം ചെയ്യുമെന്ന് എക്സിക്യൂട്ടീവ് ഓഫിസര് വി.എസ്. രാജേന്ദ്രപ്രസാദ്പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story