എം.ജി കേന്ദ്രീകൃത പ്രവേശനത്തിനെതിരായ ഹരജി ഹൈകോടതി തള്ളി

കോട്ടയം: മഹാത്മാ ഗാന്ധി സർവകലാശാല അഫിലിയേറ്റഡ് കോളജുകളിലെ ബിരുദ, ബിരുദാനന്തര ബിരുദ പ്രോഗ്രാമുകളിലേക്കുള്ള കേന്ദ്രീകൃത പ്രവേശന നടപടിക്കെതിരെ സ്വാശ്രയ കോളജ് മാനേജ്‌മൻെറ്​ അസോസിയേഷൻ നൽകിയ ഹരജി ഹൈകോടതി തള്ളി. സർവകലാശാല മികച്ച രീതിയിൽ സുതാര്യമായി നടത്തുന്ന കേന്ദ്രീകൃത പ്രവേശന പ്രക്രിയക്കെതിരെ പരിഗണിക്കാവുന്ന വാദമുഖങ്ങൾ നിരത്താൻ കഴിഞ്ഞിട്ടില്ലെന്ന് നിരീക്ഷിച്ചാണ് ജസ്​റ്റിസ് അനു ശിവരാമൻ സർവകലാശാലക്ക്​ അനുകൂലമായി വിധി പ്രസ്താവിച്ചത്. സ്വാശ്രയ കോളജ് മാനേജ്‌മൻെറ്​ അസോസിയേഷൻ നൽകിയ കേസിനെത്തുടർന്ന് മൂന്നാം അലോട്ട്‌മൻെറ്​ പ്രഖ്യാപിക്കുന്നതിൽ കാലതാമസം വന്നിരുന്നു. വിധി വന്നതോടെ വ്യാഴാഴ്​ച മൂന്നാം അലോട്ട്‌മൻെറ്​ പ്രസിദ്ധീകരിച്ചു.