കുഴല്‍പ്പണം ഇടപാട്: ചാത്തന്നൂരിലും അന്വേഷണം വേണമെന്ന് സി.പി.എം

പരവൂര്‍: നിയമസഭാ തെരഞ്ഞെടുപ്പി​ൻെറ മറപിടിച്ച് ബി.ജെ.പി കേരളത്തിലേക്ക് കുഴല്‍പ്പണം കടത്തിയെന്ന ആരോപണത്തില്‍ അന്വേഷണം ചാത്തന്നൂര്‍ മണ്ഡലത്തില്‍കൂടി നടത്തണമെന്ന് സി.പി.എം ഏരിയ കമ്മിറ്റി ആവശ്യപ്പെട്ടു. പരവൂരില്‍ അമിത്​ ഷാ പങ്കെടുത്ത പരിപാടിക്ക് തലേദിവസം കൊടകരയിലെ കുഴല്‍പ്പണ കേസിൽ മുഖ്യപങ്കുള്ള ധര്‍മരാജന്‍ ചാത്തന്നൂരില്‍ എത്തിയതായാണ് വിവരമെന്ന്​ ഏരിയ സെക്രട്ടറി കെ. സേതുമാധവന്‍ പറഞ്ഞു. തെരഞ്ഞെടുപ്പ് പ്രചാരണങ്ങളുടെ ആദ്യഘട്ടംതന്നെ പണത്തി​ൻെറ കുത്തൊഴുക്ക് മണ്ഡലത്തില്‍ പ്രകടമായിരുന്നെന്നും സേതുമാധവന്‍ കൂട്ടിച്ചേർത്തു.