Begin typing your search above and press return to search.
exit_to_app
exit_to_app
Posted On
date_range 21 Oct 2020 11:58 PM GMT Updated On
date_range 21 Oct 2020 11:58 PM GMTഡോക്ടർമാരുടെ സമരം തുടരുന്നു
text_fieldsbookmark_border
കൊല്ലം: കരവാളൂർ പ്രാഥമികാരോഗ്യകേന്ദ്രത്തിലെ വനിതാ ഡോക്ടറെ അധിക്ഷേപിച്ച സംഭവത്തിൽ കെ.ജി.എം.ഒ.എ നടത്തുന്ന സമരത്തിന് െഎക്യദാർഢ്യം പ്രകടിപ്പിച്ച് പത്തനംതിട്ട ജില്ലയിലെ വനിതാ ഡോക്ടർമാർ സിവിൽ സ്റ്റേഷനുമുന്നിൽ സമരം നടത്തി. ഇനിയും ചർച്ചക്ക് പോലും തയാറാകാത്ത കലക്ടറുടെ നിലപാട് അപലപനീയമാണെന്ന് സംഘടനാനേതാക്കൾ പറഞ്ഞു. ഡോ.സുജ, ഡോ. ബെറ്റ്സി, ഡോ. രേഷ്മ, ഡോ. ലക്ഷ്മി വർമ; ഡോ. ദിവ്യ മോഹൻ എന്നിവർ പങ്കെടുത്തു. കെ.ജി.എം.ഒ.എ ജില്ല പ്രസിഡൻറ് ഡോ. അജയകുമാർ. എസ്, ഡോ. ക്ലെനിൻ ഫ്രാൻസിസ്, സംസ്ഥാന വൈസ് പ്രസിഡൻറ് ഡോ.കിരൺ, ഡോ.അഞ്ജു ജയകുമാർ എന്നിവർ ആദരിച്ചു. ....must... നവാബുദ്ദീൻെറ നിര്യാണത്തിൽ അനുശോചിച്ചു കൊല്ലം: കിളികൊല്ലൂർ കിഴക്കേകര മുസ്ലിം ജമാഅത്തിൻെറ ദീർഘകാല പ്രസിഡൻറും സാമൂഹിക-സാമുദായിക പ്രവർത്തകനും വ്യവസായിയുമായ നവാബുദ്ദീൻെറ നിര്യാണത്തിൽ ജമാഅത്ത് വൈസ്പ്രസിഡൻറ് എ. നിസാമുദ്ദീൻെറ അധ്യക്ഷതയിൽ ചേർന്ന കമ്മിറ്റി അനുശോചിച്ചു. ജാതിമതഭേദെമന്യേ എല്ലാവിഭാഗം ജനങ്ങളുടെയും ക്ഷേമത്തിനുേവണ്ടി പ്രവർത്തിച്ച വ്യക്തിയായിരുന്നു നവാബുദ്ദീൻ എന്ന് സെക്രട്ടറി വൈ. നാസിമുദ്ദീനും ഇമാമും മറ്റ് ഭാരവാഹികളും അനുശോചനസന്ദേശത്തിൽ അറിയിച്ചു. ജില്ല നേതൃസംഗമം കൊല്ലം: കേരള അറബിക് ടീച്ചേഴ്സ് ഫെഡറേഷൻ ജില്ല കമ്മിറ്റി സംഘടിപ്പിച്ച പ്രതിഷേധസംഗമം സംസ്ഥാന പ്രസിഡൻറ് അലിക്കുട്ടി ഉദ്ഘാടനം ചെയ്തു. ജില്ല പ്രസിഡൻറ് നിസാമുദ്ദീൻ കുഞ്ഞ് അധ്യക്ഷത വഹിച്ചു. സംസ്ഥാന ജനറൽ സെക്രട്ടറി ടി.പി. അബ്ദുൽ ഹക്ക്, ടി.സി. അബ്ദുല്ലത്തീഫ്, ബഷീർ കുഞ്ഞ്, എം.പി. അബ്ദുൽ ഖാദർ, എച്ച്.സലിം, എസ്.അഹമ്മദ് ഉഖൈൽ, ഷെഫീഖ് റഹ്മാൻ, എസ്.എം. ഹാഷിർ, അൻവർ, അബ്ദുൽ ലത്തീഫ്, മുഹമ്മദ് സജാദ് എന്നിവർ സംസാരിച്ചു. തൊടിയൂർ മഹാദേവർ കോളനി നവീകരണത്തിന് ഒരുകോടി രൂപയുടെ അനുമതി കരുനാഗപ്പള്ളി: തൊടിയൂർ ഗ്രാമപഞ്ചായത്ത് 18ാം വാർഡിലെ മഹാദേവർ കോളനി നവീകരണത്തിനും വികസനത്തിനുമായി ഒരു കോടി രൂപ അനുവദിച്ചു. പട്ടികജാതി വികസനവകുപ്പ് നടപ്പാക്കുന്ന അംബേദ്കർ ഗ്രാമവികസന പദ്ധതിയിൽ ഉൾപ്പെടുത്തിയാണ് തുക അനുവദിച്ചത്. കോളനിയുടെ ശോച്യാസ്ഥയെത്തുടർന്ന് ആർ. രാമചന്ദ്രൻ എം.എൽ.എ പദ്ധതിയിലേക്ക് കരുനാഗപ്പള്ളി മണ്ഡലത്തിൽ നിന്ന് മഹാദേവർകോളനിയെ ശിപാർശ ചെയ്യുകയായിരുന്നു. ഭരണാനുമതി സംബന്ധിച്ച ഉത്തരവ് പട്ടികജാതി വികസന ഡയറക്ടർ പുറത്തിറക്കി. ജില്ല നിർമിതികേന്ദ്രത്തിനാണ് നിർമാണചുമതല. അനുവദിച്ച ഒരു കോടി രൂപയിൽ നിന്ന് 20ശതമാനം തുക മുൻകൂറായി നിർമിതി കേന്ദ്രത്തിന് നൽകും. അതിനാൽ എത്രയും വേഗം കോളനിയുടെ വികസനപ്രവർത്തനങ്ങൾ ആരംഭിക്കാൻ കഴിയുമെന്ന് ആർ. രാമചന്ദ്രൻ എം.എൽ.എ അറിയിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story